Vegusdal kyrkje
Vegusdal kyrkje er ei krosskyrkje frå 1867 på Engesland i Birkenes kommune i Agder.
| Vegusdal kyrkje | |||
| kyrkje | |||
 Foto: Jan-Tore Egge | |||
| Land |  Noreg
| ||
|---|---|---|---|
| Fylke | Agder | ||
| Kommune | Birkenes | ||
| Kyrkjesamfunn | Den norske kyrkja | ||
| Bispedøme | Agder og Telemark | ||
| Prosti | Vest-Nedenes | ||
| Sokn | Vegusdal | ||
| Fellesråd | Birkenes | ||
| Arkitekt | Conrad Fredrik von der Lippe | ||
| Material | Tre | ||
| Innvigd | 23. juni 1867 | ||
| Tårn | I vest | ||
| Kyrkjegard | Ja (innvigd ca. 1938–39) | ||
| Døypefont | Frå 1100-talet | ||
| Altartavle | Lars Osa, 1920 | ||
| Orgel | 1968 | ||
| Sitjeplassar | 350 | ||
 Vegusdal kyrkje 58°32′03″N 8°07′22″E / 58.534136°N 8.1227373°E | |||
| Wikimedia Commons: Vegusdal kirke | |||
Vegusdal har hatt kyrkje sidan mellomalderen, og den gamle kyrkjestaden er ved garden med same namn. Der stod det to forskjellige kyrkjer før ein valde å flytte kyrkjestaden til Engesland, som stod fram som bygdas sentrum, og oppføre ei ny kyrkje. I 1974 vart så Vegusdal kapell oppført på den gamle kyrkjestaden, som hadde vore halden i hevd i mellomtida.
Vegusdal kyrkje vart teikna av Conrad Fredrik von der Lippe, oppført i 1866–67 under arkitekt Schauffert frå Arendal og innvigd av biskop Jacob von der Lippe (far til arkitekten) den 23. juni 1867. Denne krosskyrkja har ei noko uvanleg form ved at saltaket over skipet fortset ned over tverrskipet som om det skulle vere ei langkyrkje. Elles har kyrkja innslag av romanske og gotiske stiltrekk. Ho har vesttårn, og koret i aust er smalare og lågare enn resten av bygningskroppen.
Dagens altartavle kom til i 1920 og har eit bilete som er måla av Lars Osa. Biletet[1] viser Jesus og Peter på Genesaretsjøen idet Jesus strekk ut handa for å redde Peter. Under biletet finner vi Peter sine ord: «Herre, frels meg!»[2] Den romanske klebersteinsdøypefonten er overført frå dei tidlegare kyrkjene og er truleg laga i verkstedet ved Stavanger domkyrkje på 1100-talet. Dåpsfatet i messing er frå 1400- eller 1500-talet. Orgelet har 12 stemmer (2 manual og pedal) og er frå 1968.
Kyrkjegarden måtte drenerast før han kunne takast i bruk rundt 1938–39. I mellomtida vart det brukt ein kyrkjegard ved Haugvadbakken, om lag 500 meter unna.
Litteratur
endre- Nenseter, Bjarne (1992). «Vegusdal kyrkje». På kirkevandring i Aust-Agder. Arendal: Kilden forlag. s. 86-87. ISBN 82-7627-003-4.
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 470. ISBN 82-7527-022-7.
Bakgrunnsstoff
endre- Norsk nettskole
- «Vegusdal kyrkje». Kirkesøk. Den norske kyrkja.
- Vegusdal kyrkje i kulturminnesok.no, nettstaden til Riksantikvaren
Kjelder
endre- Denne artikkelen bygger på «Vegusdal kyrkje» frå Wikipedia på bokmål, den 15. januar 2014.
- ↑ Avbilda her Arkivert 2014-01-16 ved Wayback Machine.
- ↑ Jf. Matt. 14.30