Vlado Šola

Vladimir Šola, kjent som Vlado Šola, (fødd 16. november 1968) er ein kroatisk tidlegare handballspelar frå Prisoje. Han vart verdsmeister 2003 og olympisk meister 2004 med Kroatia sitt landslag. Målvakta Šola vekte mykje åtgaum for sitt sprelske spel og energiske framtoning.

Vlado Šola
Statsborgarskap	Kroatia
Fødd	16. november 1968 (56 år) Prisoje, Tomislavgrad
Idrett	handball
Tok del i	Sommar-OL 2004
Utmerkingar	Kroatias stjerneorden

Karriere

Landslagsspel

Sola deltok i 132 landskampar frå debuten 1991 til hans siste kamp i 2005. Han fekk med seg EM-sølv i 1994, VM-sølv i 1995, VM-gull 2003, OL-gull 2004 og VM-sølv 2005.

Klubbspel

Frå 1985 til 1995 var han aktiv i Medveščak, eit lag som fram til 1990 sikra han fire cup-pokalar i dåverande Jugoslavia. Åra frå 1996 til 2006 spelte han på lag i Tyskland, Sveits, Frankrike og Ungarn. Etter to år i Vezprem, flytta han i 2006 til heimlandet og avslutta med å spele i to sesongar for RK Zagreb.

Merittar

• Handball-EM 1994 for menn: Bronsemedalje
• Handball-VM 1995 for menn: Sølvmedalje, tap mot Frankrike
• Handball-EM 1996 for menn: Nr 5
• Handball-VM 2003 for menn: Gullmedalje, siger over Tyskland
• Handball-EM 2004 for menn: Nr 4
• Sommar-OL 2004: Gullmedalje, siger mot Tyskland
• Handball-VM 2005 for menn: Sølvmedalje, tap mot Spania
• Handball-EM 2006 for menn: Nr 4
• Jugoslavisk cupmeister: 1986, 1987, 1989, 1990 for Medveščak
• Ungarsk seriemeister: 2005, 2006 for Vezprem
• Ungarsk cupmeister: 2005, 2006 for Vezprem
• Kroatisk seriemeister: 2007, 2008 for RK Zagreb
• Kroatisk cupmeister: 2007, 2008 for RK Zagreb

Kjelder

• Denne artikkelen bygger på «Vlado Šola» frå Wikipedia på tysk, den 16. oktober 2023.
• Denne artikkelen bygger på «Vlado Šola» frå Wikipedia på engelsk, den 16. oktober 2023.