Wim Rijsbergen
Wim Rijsbergen, fullt namn Wilhelmus Gerardus Rijsbergen, (fødd 18. januar 1952) er ein nederlandsk tidlegare fotballspelar og -trenar frå Leiden i Zuid-Holland. Forsvarsspelaren vann VM-sølv i 1974 og 1978 med Nederland, og var i 1974 også med om å vinne UEFA-cupen med Feyenoord.
 Wim Rijsbergen i 1978 | |||
| Personleg informasjon | |||
|---|---|---|---|
| Fullt namn | Wilhelmus Gerardus Rijsbergen | ||
| Fødd | 18. januar 1952 (72 år) | ||
| Fødestad | Leiden i Nederland | ||
| Høgd | 181 cm | ||
| Posisjon | Forsvarsspelar | ||
| Klubbinformasjon | |||
Noverande lag | Solomonøyane (trenar) | ||
| Seniorkarriere* | |||
| År | Lag | Kampar | (Mål) |
| 1970–1971 | Zwolle | 26 | (0) |
| 1971–1978 | Feyenoord | 173 | (1) |
| 1978–1979 | Bastia | 24 | (0) |
| 1979–1983 | New York Cosmos | 86 | (0) |
| 1983–1984 | Helmond Sport | 21 | (0) |
| 1984–1986 | Utrecht | 18 | (0) |
| Totalt | 348 | (3) | |
| Landslag | |||
| 1974–1978 | Nederland | 28 | (1) |
| Trenar for | |||
| 1986–1988 | Ajax (ungdomstrenar) | ||
| 1988–1989 | DS'79 (ungdomstrenar) | ||
| 1989–1991 | VV Roodenburg | ||
| 1991–1993 | AFC DWS | ||
| 1993–1995 | Volendam | ||
| 1995–1997 | Breda | ||
| 1997–1998 | Groningen | ||
| 1998–1999 | Universidad Católica (ungdomstrenar) | ||
| 1999–2001 | Universidad Católica | ||
| 2002 | Al-Ittifaq | ||
| 2003–2004 | Club América (Assisterande trenar) | ||
| 2010–2011 | PSM Malkassar | ||
| 2014–2015 | Persibo Bojonegro | ||
| Landslagstrenar for | |||
| 2005–2006 | Trinidad og Tobago | ||
| 2012–2013 | Indonesia (teknisk leiar) | ||
| 2019– | Solomonøyane | ||
| * Seniorklubbkampar og mål berre telt for nasjonal liga | |||
Klubbspel endre
Rijsbergen byrja profflivet med ein sesong i PEC Zwolle på nivå to i seriesystemet. Frå 1971 til 1978 spele han på topplaget Feyenoord, ein klubb som våren 1974 vann seriemeisterskapen og sigra i UEFA-cupen. I den andre og avgjerande UEFA-cupfinalen skåra Rijsbergen det fyrste målet då Tottenham Hotspur vart slått 2-0, eitt av få mål han skåra i heile si karriere. Etter ein sesong i franske SC Bastia, var han 1979-83 aktiv i New York Cosmos i USA. Han avslutta profftida med ein sesong i Helmond og to i FC Utrecht.
Landslagsspel endre
Rijsbergen fekk sin landslagsdebut ei veke før VM i fotball 1974. Han imponerte så mykje at han fekk plass i fyrsteellevaren og spelte alle Nederlands kampar i meisterskapen, ein meisterskap som enda med finaletap mot arrangørlandet Vest-Tyskland. To år seinare var han òg med då Nederland tapte EM-semifinalen mot Tsjekkoslovakia i Zagreb. Landslagstida tok slutt under Fotball-VM 1978 i Argentina. Han spelte kampane i gruppespelet, men vart vraka og kom ikkje på bana i finalekampane. Rijsbergen deltok i 28 av Nederlands landskampar, skåra eitt mål.
Merittar endre
- Vinnar av UEFA-cupen: 1974 med Feyenoord
- Nederlandsk seriemeister: 1974 med Feyenoord
- VM-sølv: 1974 og 1978 for Nederland
- EM-bronse: 1976 for Nederland
Kjelder endre
- Denne artikkelen bygger på «Wim Rijsbergen» frå Wikipedia på tysk, den 29. oktober 2019.