With God on Our Side

With God on Our Side Song av Bob Dylan frå albumet The Times They Are a-Changin'
Utgjeve	13. januar 1964
Innspelt	7. august 1963
Sjanger	Vise
Lengd	7:08
Selskap	Columbia
Komponist	Bob Dylan
Tekstforfattar	Bob Dylan
Låtskrivar(ar)	Bob Dylan
Produsent	Tom Wilson

«With God on Our Side» er ein song av Bob Dylan, gjeve ut som det tredje sporet på albumet hans The Times They Are A-Changin' i 1964. Dylan framførte først songen på den første konserten sin i The Town Hall i New York City den 12. april 1963. Dylan har berre sjeldan sungen denne songen på konsertar.

Teksten

I've learned to hate the Russians All through my whole life If another war comes It's them we must fight To hate them and fear them To run and to hide And accept it all bravely With God on my side Bob Dylan (1964)

Teksten omhandlar tendensane i nasjonane, stammene, eller samfunna som meiner at Gud alltid vil ta deira side og motsette seg dei som er usamde med dei, og dermed ikkje stiller moralske spørsmål om krigane som vert utkjempa og vondskapen som vert utført i landet deira. Dylan nemner fleire historiske hendingar, som massakrane mot dei amerikanske indianarane på 1800-talet, den spansk-amerikanske krigen, den amerikanske borgarkrigen, første og andre verdskrigen, Holocaust, den kalde krigen og sviket til Judas Iskariot av Jesus. Songen nemner ikkje Vietnamkrigen eksplisitt før konsertutgåver i 1980-åra, då Dylan la til eit ekstra vers som gjekk slik:

«

In the nineteen-sixties came the Vietnam War Can somebody tell me what we're fightin' for? So many young men died So many mothers cried Now I ask the question Was God on our side?

»

Kontroversar om melodien

Melodien til «With God on Our Side» er i røynda identisk til den tradisjonelle irske folkevisa «The Merry Month of May», som òg vart nytta av Dominic Behan på songen hans «The Patriot Game». Opningsverset er òg liknande på andreverset il Behan-songen, der forteljaren fortel namnet sitt og kor gamal han er. Behan kritiserte Dylan offentleg for å hevde at melodien var ein original komposisjon. Behan meinte derfor at ein måtte stille spørsmålsteikn ved alle songane til Dylan. Behan gjorde ofte det same som Dylan, der han lånte ein melodi han skreiv ny tekst til.

Konsertopptak

Dylan og Joan Baez framførte songen som ein duett på Newport Folk Festival i juli 1963 og juli 1964, og eit opptak frå 27. juli 1963 kom ut på Newport Broadside: Topical Songs at the Newport Folk Festival 1963 (Vanguard VSD-79144). I omslaget skriv Stacy Williams om Dominic Behan sin «Patriot Game», som Williams påpeiker at Behan lånte frå den tradisjonelle «The Merry Month of May». Eit anna konsertopptak av Dylan og Baez som framfører «With God on Our Side», frå 31. oktober 1964, finst på albumet The Bootleg Series Vol. 6: Bob Dylan Live 1964, Concert at Philharmonic Hall, gjeve ut i 2004.

Dylan si framføring av songen på albumet Bob Dylan Unplugged, frå 1995, har ikkje med versa om tyskarane og Holocaust eller russarane og den kalde krigen.

Andre versjonar

• Joan Baez spelte inn songen i 1963 på konsertalbumet In Concert, Part 2 (spelt inn kort tid etter Dylan skreiv han).
• Chad Mitchell Trio spelte inn songen i 1965 på albumet Typical American Boys
• Odetta spelte inn songen i 1965 på albumet hennar Odetta Sings Dylan.
• I 1965 spelte Manfred Mann inn songen på deira The One In The Middle EP.
• Ramblin' Jack Elliott gav ut ein versjon i 1970 på albumet hans Bull Durham Sacks & Railroad Tracks.
• Wire Train gav ut ein versjon i 1985 på albumet deira Between Two Words
• The Neville Brothers gav ut ein versjon i 1989 på albumet deira Yellow Moon.
• Judy Collins gav ut ein versjon i 1993 å hyllestalbumet hennar, Judy Sings Dylan... Just Like a Woman.
• Ramblin' Jack Elliott gav ut ein versjon i 1999 på albumet hans The Long Ride.
• Det britiske bandet Half Man Half Biscuit gav ut ein parodi av songen kalla With Goth On Our Side i 2000 på albumet deira Trouble Over Bridgwater.
• Buddy Miller framførte songen i 2004 på albumet hans Universal United House of Prayer, og la til eit irsk klagesong-liknande arrangement.
• I 2004 spelte indierockbandet Straylight Run inn songen.
• Burton Cummings spelte denne songen og gav han ut på singel i 2004.
• Minneapolisbandet The Brothers Frantzich spelte inn ein versjon av songen på albumet deira Heartwing.
• Singer/songwriter Derek Webb har ofte spelt songen på konsertane sine.
• Bon Iver spelte songen for første gongen 24. september 2011 i McMenamins Edgefield i Troutdale i Oregon.
• Barb Jungr spelte inn songen i 2011 på albumet hennar Man in the Long Black Coat.
• In 2012, K'naan spelte inn songen for samleplta Chimes of Freedom: The Songs of Bob Dylan Honoring 50 Years of Amnesty International.

Kjelder

• Denne artikkelen bygger på «With God on Our Side» frå Wikipedia på engelsk, den 3. november 2018.
  • Wikipedia på engelsk oppgav desse kjeldene:
• Herbert, Anthony B. 1984. «The Vietnam War: Atrocities and Coverups» (Program #HERA002. Recorded in Boulder, Colorado on 12. august 1984) https://www.alternativeradio.org/products/hera002