Yvon Le Roux
Yvon Le Roux (fødd 19. mars 1960) er ein fransk tidlegare fotballspelar frå Plouvorn som vart europameister med Frankrike i 1984 og tok VM-bronse to år etter. Han var ein sterk midtstoppar som i tida 1977-90 spelte på fem ulike franske klubblag.
.jpg) | |||
| Personleg informasjon | |||
|---|---|---|---|
| Fødd | 19. mars 1960 (64 år) | ||
| Fødestad | Plouvorn i Frankrike | ||
| Posisjon | Midtback | ||
| Seniorkarriere* | |||
| År | Lag | Kampar | (Mål) |
| 1977–1983 | Brest | 180 | (25) |
| 1983–1985 | Monaco | 66 | (11) |
| 1985–1987 | Nantes | 82 | (11) |
| 1987–1989 | Marseille | 78 | (4) |
| 1989–1990 | Paris Saint-Germain | 15 | (1) |
| Landslag | |||
| 1983–1989 | Frankrike | 26 | (1) |
| Trenar for | |||
| 1991–1993 | Brest | ||
| * Seniorklubbkampar og mål berre telt for nasjonal liga | |||
Klubbspel
endreLe Roux spelte på Stade Brest frå 1977 til -83. Dei neste seks åra gjorde han teneste i toårsbolkar på kvar av klubbane AS Monaco, FC Nantes og Olympique Marseille. Tida i Olympique Marseille avslutta han med å verte seriemeister og vinne cupfinalen 1989 mot sin tidlegare klubb Monaco. Han slutta som aktiv spelar våren 1990 etter ein sesong i Paris Saint-Germain.
Landslagsspel
endreLe Roux landslagsdebuterte med å sende Frankrike i føringa då Jugoslavia sitt landslag var gjester på Parc de Princes i Paris 23. april 1983, ein kamp som enda med 4-0 til vertane. Sidan var han med då Frankrike vann europameisterskapen 1984 på same arenaen den 27. juni etter finalesiger 2-0 mot Spania, ein kamp der han vart utvist etter 84 minutts spel. Under verdsmeisterskapen 1986 spelte Le Roux einast i bronsefinalen mot Belgia, der Frankrike sikra seg medaljen med sluttsiffera 4-2. I hans nest siste landskamp, den 5. september 1989, spelte Noreg og Frankrike uavgjort 1-1 på Ullevaal stadion i Oslo framfor einast 8 564 tilskodarar. Ein månad seinare tok Le Roux på Parc de Princes på seg landslagsdrakta for 28. og siste gong, utan å ha kome skåringslista etter debutkampen.
Merittar
endre- Europameister: 1984 for Frankrike
- VM-bronse: 1986 for Frankrike
- Fransk cupmeister: 1985 med AS Monaco og 1989 med Olympique Marseille
- Fransk seriemeister: 1989 med Olympique Marseille
Kjelder
endre- Denne artikkelen bygger på «Yvon Le Rouz» frå Wikipedia på tysk, den 12. juli 2018.