Zurab Noghaideli
Zurab Noghaideli (fødd 22. oktober 1964 i Kobuleti i Adsjaria) er ein georgisk politikar, og var statsminister i Georgia frå 11. februar 2005 til 16. november 2007.
| Zurab Noghaideli | |||
 | |||
| Fødd | ზურაბ ნოღაიდელი 22. oktober 1964 (60 år) Kobuleti | ||
|---|---|---|---|
| Statsborgar av | Sovjetunionen, Georgia | ||
| Yrke | politikar, fysikar, gründer | ||
| Utdanna ved | fysikkfakultetet ved Moskvas statlige universitet | ||
| Medlem | Europarådets parlamentarikerforsamling | ||
| Verv | Statsminister i Georgia 2005-2007 | ||
| Føregangar | Zurab Zjvania | ||
| Etterfylgjar | Lado Gurgenidze | ||
| Alle verv |
| ||
Noghaideli oppnådde ein grad i fysikk ved Statsuniversitetet i Moskva i 1988. Frå 1989 til 1990 var han ved det estiske vitskapsakademiet. Tidleg i 1990-åra vart han aktivt medlem i Det grønne partiet i Georgia. Han vart vald inn i parlamentet i 1992. Frå 2000 til 2002 var han finansminister under president Eduard Sjevardnadze, men han rauk etterkvart uklar med han, og fekk sparken i 2002. Etter at Sjevardnadze vart styrta i den fredelege «roserevolusjonen» i november 2003 vende Noghaideli attende til regjeringa. I februar 2004 vart han igjen finansminister. Då statsminister Zurab Zjvania brått døydde i ei ulukke i februar 2005 nominerte president Mikheil Saakasjvili Noghaideli som ny statsminister. Han vart godkjend av nasjonalforsamlinga med 175 mot 24 røyster den 17. februar.
16. november 2007 gjekk han av som statsminister av helsemessige grunnar. Han hadde gått gjennom ein hjarteoperasjon i april same året. Han trekte seg deretter frå politikken.
Noghaideli er no ikkje medlem av noko politisk parti. Han er gift og har eitt born.
Bakgrunnsstoff
endre- Personprofil på nettsidene til Det georgiske tryggjingsrådet Arkivert 2007-09-27 ved Wayback Machine., på engelsk.