Zweitina
Zweitina eller Zuwaytini (arabisk زُويتينة, Zūwaytīnah) er ein liten landsby vest i Syria nær grensa til Libanon og som administrativt høyrer til Homs guvernement. Han ligg opp i eit skogkledd fjell og er ein populær feriestad. Landsbyen ligg mellom 400 og 450 meter over havet. Av stader i nærleiken finn ein Marmarita i nord, al-Huwash i aust, al-Huwash i aust, al-Husn i søraust, al-Zarah i sør, Naarah og Tell Hawsh i sørvest, al-Mitras i vest og al-Bariqiyah i nordvest. Zweitina er kanskje mest kjend for al-Fawwar-kjelda, som har fått dette namnet fordi ho berre sporadisk renn. Det historiske St. Georg-klosteret, eit av dei eldste i Syria, ligg i Zweitina. Han ligg òg like i nærleiken av Krac des Chevaliers, eller Qal'at al-Ḥiṣn.[1] I følgje Syrisk statistisk sentralbyrå (CNS), hadde Zweitina eit folketal på 1 540 i 2011. Innbyggjarane er hovudsakleg gresk-ortodokse kristne.
| Zweitina | |||
| زُويتينة | |||
| landsby | |||
 Zweitina
| |||
| Land |  Syria
| ||
|---|---|---|---|
| Guvernement | Homs | ||
| Distrikt | Talkalakh | ||
| Nahiyah | Al-Nasirah | ||
| Høgd | 420 moh. | ||
| Koordinatar | 34°46′08″N 36°14′56″E / 34.76876°N 36.24883°E | ||
| Folketal | 1 540 (2011) | ||
| Tidssone | EET (UTC+3) | ||
 Zweitina 34°46′08″N 36°14′56″E / 34.768761111111°N 36.248830555556°E | |||
 Kart som viser Zweitina.
| |||
Etymologi
endreNamnet Zweitina kjem frå ordet zeitoun som er arabisk for oliven. Zweitina er arabisk for ein enkel olivenfrukt. Oliventre dominerer skogane i Zweitina og er rekna som den viktigaste avlinga her. Andre hevdar at namnet kjem frå arameisk og tyder «landet der silkeormar veks» og syner til silkeormane som finst i skogane i landsbyen.[1]
Demografi
endreFolketalet i Zweitina når opp til 5000 om sommaren, då mange kjem hit på ferie. Kristendom dominerer i landsbyen. Nesten 75% av originale landsbybuarar bur utanfor landsbyen. Flest emigrantar bur i Pennsylvania i USA, der det bur kring 500 familiar.[2] Zweitina ligg òg nær ein annan kristen landsby, Marmarita.
Kjelder
endre- Denne artikkelen bygger på «Zweitina» frå Wikipedia på engelsk, den 5. juli 2014.
- Wikipedia på engelsk oppgav desse kjeldene:
- ↑ 1,0 1,1 «Information» (på arabisk). Marmarita. Henta 1. juli 2014.
- ↑ «Immigrants in USA» (på arabisk). Marmarita. Arkivert frå originalen 19. mai 2007. Henta 1. juli 2014.