Adolf Strengehagen
Adolf Theodor Hansen Strengehagen (4. januar 1852–25. februar 1928) var ein gruvearbeidar og stortingsmann frå Kongsberg. Han var medlem av Venstre.[1]
| Adolf Strengehagen | |||
| Fødd | 4. januar 1852 | ||
|---|---|---|---|
| Død | 25. februar 1928 (76 år) | ||
| Statsborgar av | Noreg | ||
| Yrke | politikar | ||
| Alle verv |
| ||
Strengehagen var son til ein arbeidsformann ved sølvverket på Kongsberg. Han arbeidde sjølv på sølvverket frå 1867. I to år, 1871-73, gjekk han bergskulen, før han tok til att på verket. Han var arbeidsformann 1878-79 og og oppsynsmann 1897-95. Sidan var han stiger.
Han var medlem av Kongsberg bystyre frå 1881, ordførar i fire år. Også skulestyreformann i to år. Strengehagen var varamann til Stortinget perioden 1895-97. Alle dei tre sesjonane møtte han på tinget frå midten av juli, i staden for den faste representanten Thomas Münster. Han var fast representant på Stortinget frå byen i perioden mellom 1898 og 1906, sidan var han Kongsberg og Hønefoss sin representant 1906-12. Frå 1895 til 1900 var han medlem av landbrukskomiteen, sekretær i denne 1900-03. Medlem av Lagtinget 1900-12, som sekretær den siste valbolken. Elles var han medlem av militærkomiteen 1903-12 og av valkomiteen 1906-12
Strengehagen døydde i heimbyen i 1928.[2]
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914
- ↑ «Biografier 1905-1945 Adolf Teodor Hansen Strengehagen». Norsk samfunnsvitenskapelig datatjeneste. Henta 9. desember 2012.
- ↑ http://www.disnorge.no/gravminner/vis.php?mode=fy Gravminner i Norge
Bakgrunnsstoff endre
- Vilhelm Hafner: Stortinget: 1906-1909, s. 35, biografi med foto