Agnete Saba
Agnete Kristin Johnsen Saba (fødd 4. juli 1994 i Varangerbotn) er ein norsk musikar og songar. Ho var tidlegare frontfigur i rockegruppa The BlackSheeps. I 2016 vann ho Melodi Grand Prix og representerte Noreg i Eurovision Song Contest.
| Agnete Saba | |||
.jpg) Foto: Albin Olsson | |||
| Fødd | 4. juli 1994 (30 år) | ||
|---|---|---|---|
| Fødestad | Varangerbotn | ||
| Fødenamn | Agnete Kristin Johnsen | ||
| Alias | Aggie | ||
| Opphav | Noreg | ||
| Aktiv | 2008– | ||
| Sjanger | pop, rock | ||
| Instrument | Vokal | ||
| Tilknytte artistar | The BlackSheeps | ||
| Verka som | Songar | ||
| Mor | Signe Iversen | ||
| Prisar | Åpenhetsprisen, Ole Vig-prisen | ||
Bakgrunn
endreAgnete Saba, fødd Agnete Johnsen, er dotter av den samiske barnebokforfattaren Signe Iversen[1] og Arild Johnsen, og tok i 2020 «Saba», jentenamnet til mormora si, som etternamn.[2]
Saba vaks opp på Reahpen i Nesseby kommune i Finnmark.
Eurovision
endreMelodi Grand Prix Junior 2008
endreI 2008 vann ho, som ein del av gruppa The BlackSheeps, Melodi Grand Prix Junior 2008 med songen «Oro jaska beana». Etter sigeren i Melodi Grand Prix Junior 2008 fekk gruppa representere Noreg i Melodi Grand Prix Junior Nordic 2008 og vann.
Melodi Grand Prix 2011
endreI 2011 skreiv gruppa historie då dei deltok i Melodi Grand Prix med songen «Dance Tonight». I den tredje semifinalen enda dei på andreplass og gjekk vidare til finalen. Dei fekk òg ein andreplass i finalen, og fekk ikkje representere Noreg i Eurovision Song Contest 2011 i Düsseldorf i Tyskland.
Melodi Grand Prix Junior 2013
endreUnder superfinalen i Melodi Grand Prix Junior 2013 framførte Saba, under namnet Aggie, songen «Goin' Insane».
Melodi Grand Prix 2016
endreI 2016 vann ho Melodi Grand Prix med songen «Icebreaker».[3] Ho vart då den fyrste som har vunne både Melodi Grand Prix jr. og Melodi Grand Prix.[4][5]
I Eurovision Song Contest i Stockholm var ho nummer 15 ut på scenen i semifinale 2, etter den endelege vinnaren Ukraina, og før Georgia. Det norske bidraget vart til slutt nummer 13 av 18 i semifinalen, og kvalifiserte seg ikkje til finalen.
I 2016 fekk ho Åpenhetsprisen med grunngjevinga «Agnete Johnsen viser mot ved å være åpen om sine psykiske utfordringer og snakke om det som er vondt mens det er vondt».[6]
Kjelder
endre- Delar av denne artikkelen bygger på «Agnete Saba» frå Wikipedia på bokmål, den 7. mai 2023.
- ↑ «Nå kan Signe vinne Nordisk råds litteraturpris». www.ifinnmark.no (på norsk). 29. oktober 2013. Henta 2. november 2013.
- ↑ Dønvold-Myhre, Lars (19. august 2020). «Derfor byttet hun navn». dagbladet.no (på norsk). Henta 19. august 2020.
- ↑ Alnes, Espen (29. februar 2016). «Beste MGP-finale sidan 2010». NRK (på norsk bokmål). Henta 2. mai 2022.
- ↑ «The BlackSheeps til topps i MGP jr!». www.vg.no (på norsk bokmål). 29. november 2008. Henta 2. mai 2022.
- ↑ «Agnete vant Melodi Grand Prix». NRK (på norsk bokmål). 27. februar 2016. Henta 2. mai 2022.
- ↑ «Agnete Johnsen (22) er vinner av Åpenhetsprisen 2016». TV 2. 9. oktober 2016. Henta 11. oktober 2016.
Bakgrunnsstoff
endre
- Agnete Saba ved The Internet Movie Database (IMDb)