Aldershot

Aldershot er ein by i Hampshire i England. Han ligg i eit lyngheilandskap omkring 55 km sørvest for London.

Aldershot
Aldershot jernbanestasjon Aldershot jernbanestasjon
Plassering
Styresmakter
Land	Storbritannia
Konstituerande land	England
Grevskap	Hampshire
Distrikt	Rushmoor
Geografi
Innbyggjarar  - By (2007)	62 944
Koordinatar	51°15′N 0°46′W
Diverse annan informasjon
Postnummer	GU11
Telefon-retningsnummer	01252
Commons har multimedium som gjeld: Aldershot

Byen er særleg kjent for sambandet sitt til British Army, som i 1854 oppretta ein permanent leir der. Dette førte til at staden voks frå ein liten landsby til ein viktoriansk by.

Historie

Namnet til byen kjem moglegvis frå alder, som viser til ein vått, myrlendt stad. I angelsaksisk tid var staden kjent som Alreshete, og i Domesday Book frå 1086 er landsbyen nemnd som ein del av hundredet Crondall. På eit kart i 1722-utgåva av William Camden si Britannia or Geographical Description of Britain and Ireland blir det vist eit symbol for ei busetjing på staden.

I 1854, under Krimkrigen, vart det oppretta ein militærleir med landsbyen i midten. Folkesetnaden steig frå 875 i 1851 til 16 000 i 1861, der kring 9 000 var soldatar. Veksten fortsette, om enn med lågare fart.

Dronning Victoria vitja regelmessig Aldershot, og det vart reist ein kongeleg paviljong for henne. Under jubileumsparaden den 21. juni 1887 var 60 000 menn stilt opp i Long Valley, frå Basingstokekanalen til Caesar's Camp. Sidan då har Aldershot Military Tattoo vore eit viktig internasjonalt arrangement.

I 1974 vart Aldershot og Farnborough distrikt slått saman til distriktet Rushmoor.

Aldershotbomba

Aldershotbomba var eit terroråtak utført av Den offisielle IRA (OIRA); åtaket reknast som eit av dei vondaste organisasjonen har utført i England. Den 22. februar 1972 gjekk ei bilbombe av ved messa i hovudkvarteret til 16th Parachute Brigade. Sju personar vart drepne; alle offera var sivilt støttepersonnel inkludert kokkar, vaskehjelper og ein katolsk prest. OIRA uttalte seinare at åtaket var hemn for Bloody Sunday.

Kommunikasjon

Aldershot stasjon tener tog mot Waterloo stasjon i London, Alton, Guildford og Ascot.

Kultur og idrett

Aldershot Town FC spelar i Conference National. Ein tidlegare lokal klubb, Aldershot FC, vart nedlagd i 1992.

Kjelder

• Denne artikkelen bygger på «Aldershot» frå Wikipedia på bokmål, den 13. juli 2011.