Alfred P. Wright
Alfred Petersen Wright (1. september 1847–26. januar 1929), opphavleg Alfred Petersen, var ein norsk forretningsmann og skipsreiar frå Porsgrunn. Frå 1910 til 1912 var han stortingsrepresentant for partiet Høgre.
| Alfred P. Wright | |||
| Fødd | 1. september 1847 Porsgrunn | ||
|---|---|---|---|
| Død | 26. januar 1929 (81 år) | ||
| Statsborgar av | Noreg | ||
| Parti | Høgre | ||
| Yrke | forretningsdrivande, reiar | ||
| Mor | Karen Magdalene Wright | ||
| Far | Peter Magnus Petersen | ||
| Ektefelle | Helene Gulbranson | ||
| Barn | Carl P. Wright | ||
| Alle verv |
| ||
Karriere endre
Wright vart cand.jur. i 1873. Etter nokre år utanlands tok han over faren sine forretningar. Han deltok i opprettinga av skipsforsikringsselskapet «Reform», etablerte Porsgrunn Gjærfabrikk og Norrøna Fabrikker, deltok i opprettinga av Porsgrunn Porcelænsfabrik og Porsgruns bryne-og slipestensfabrik. Han var frå 1896 dansk medlem av Tolltariffkommisjonen, 1897 av komiteen om Noregs deltaking i Stockholmsutstillinga og i 1906 av Traktatkomiteen. I tillegg var han frå 1903 medlem av Jarnbanekomiteen. Wright var styreleiar for Skiens kreditbank frå 1891.
Wright var med i Porsgrunn bystyre frå 1893, i mange år medlem av formannskapet og ordførar. Som Alfred Petersen var han vararepresentant til Stortinget i tida 1886 til 1894 for Høgre-partiet. Sidan var han varamann til Stortinget 1903–1906, møtte frå 2. november til 2. desember 1903 i staden for Jørgen Knudsen. I 1910–1912 var Wright fast representant på Stortinget, permittert 1912-sesjonen frå 8. juli. På Stortinget var han visesekretær i Lagtinget og medlem i Tollkomiteen.
Han var far til Carl P. Wright.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914