Almar Heggen
Almar Gunvald Heggen (fødd 25. mai 1933 Valldal, død 22. oktober 2014)[1][2][3] var ein norsk operasongar (bass).
| Almar Gunvald Heggen | |||
| Fødd | 25. mai 1933 | ||
|---|---|---|---|
| Fødestad | Valldal | ||
| Død | 22. oktober 2014 (81 år) | ||
| Dødsstad | Oppegård | ||
| Opphav | Noreg | ||
| Instrument | vokal | ||
| Verka som | songar, operasongar | ||
Heggen var fødd på garden Heggen i Valldal inst på Sunnmøre.[4] I 1950 byrja han ved Musikkonservatoriet i Oslo og fire år etter kom han i lære hos Morten Vatn. Han debuterte i 1957 i Mateus-pasjonen med Ingrid Bjoner ved Norsk Operaselskap som Don Bajas, men måtte 1957-59 fare med stipend til Wiesbaden og studere hos professor Paul Lohmann[5] og Caiser-Breme i Essen. Heggen var i Wuppertal 1959-60, i Berlin 1960-61, Freiburg 1961-66, Nürnberg 1966-67, München, Frankfurt, Düsseldorf, Köln, Dublin og Stockholm.[6] I 1969 flytta Heggen attende til Noreg og var fast solist ved Den Norske Opera frå 1969 til 1986.
Nokre av Heggen sine roller
endre- Absalon i Anne Pedersdotter av Edvard Fliflet Bræin
- Sarastro i Tryllefløyta av Wolfgang Amadeus Mozart
- Osmin i Bortførelsen av Mozart
- Sparafucile i Rigoletto av Giuseppe Verdi
- Baron Ochs i Rosenkavaleren av Richard Strauss
- Pimen i Boris Godunov av Modest Mussorgskij
- Storinkvisitoren i Don Carlos av Giuseppe Verdi
Referansar
endre- ↑ «Almar_Heggen» i Store norske leksikon, snl.no.
- ↑ Aftenposten, 28.10.2014 (nekrolog).
- ↑ Aftenposten 25. oktober 2014, s. 53 (dødsannonse).
- ↑ Paul Einar Vatne (25.5.1993). «Spennende liv på europeiske scener». Aftenposten.
- ↑ Grunn og gror. Kultursoge. Norddal bygdebøker. Norddal kommune, 1976.
- ↑ «Almar Heggen (1933)». Maud Hurum operaoversikt. Arkivert frå originalen 8. august 2007. Henta 14. juni 2012.
- ↑ Ættebok for Norddal, utgitt av Norddal kommune, Valldal 1997.