Ann Kavli

	Ann Kavli
Statsborgarskap	Noreg
Fødd	17. september 1960 (64 år); Åndalsnes
Yrke	skribent, lyrikar

Ann Kavli (fødd 17. september 1960 i Åndalsnes) er ein norsk forfattar og kunstnar med eit stort verkefelt.^[1] Ho har formidla tekstar i fleire sjangrar sidan debuten i 1991.^[2]

Utdanning

Kavli er utdanna adjunkt med norsk som grunnfag ved Lærarhøgskulen i Volda (1984). Ho studerte deretter mediefag ved Distriktshøgskulen i Volda (fram til 1986) og tok Forfattarstudiet i Bø (1990). Seinare tok ho kunstutdanning ved Strykejernet Kunstskole i Oslo (1998).^[3] Kavli er busett på Nesodden i Akershus.^[4]

Verk

Kavli har arbeidd både med dikt, skjønnlitterær prosa/romanar og andre uttrykk. Debutboka hennar var diktsamlinga Noko skal hende deg, to år seinare kom romanen Fire fargar seinare. Lyrikken til Kavli er gjerne prega av overraskande, tivtydige bilete, og er blitt karakterisert som «på same tid myke og 'knudrete'».^[5]

Sameining av ulike kunstformer pregar heile verket til Kavli. Ho har framført tekstar som kunstperformance og til jazz av Karl Seglem.^[6]^[7] Som biletkunstnar har ho laga illustrasjonar og bokomslag, også for eigne bøker, medan fleire dikt er vigde eller inspirerte av kunstverk.^[8]^[9] Prosabøkene hennar blir gjerne kalla poetiske, og ho har sjølv uttalt at «Generelt appellerer nok bøkene mine til lesarar som har ein poetisk legning.»^[10]

Verv

Ann Kavli har hatt ulike verv i litterære organisasjonar. Ho blei medlem i Det Litterære Råd i 2001 og er styrerepresentant for Den norske Forfatterforening for perioden 2010–12.^[11]^[12]

Bibliografi

Dikt

Noko skal hende deg (1991)
Akvatinter (1996)
Å hekle ein laks (2000)
Flytt (2005)
Ut av juli (2011)

Prosa

Fire fargar seinare (1993)
Delfinens smil (1995)
Alt er som det skal vere (1998)

Dramatikk

Spøkelset som ikkje ville spøke, barnestykke, bestilt til Vossa-Jazz 1997.^[13]

Prisar og utmerkingar

Sokneprest Alfred Andersson-Ryssts fond (1998)
Kulturstipend av Oslo kommune (1999)^[14]

Kjelder

Aftenposten, Forfatterindeks
Dagbladet.no, Dikt om å slippe taket, arkivert frå originalen 14. juni 2007, henta 31. desember 2009
Forfatterforeningen (9.10.2010), Jazz&poesi revisited, arkivert frå originalen 9. januar 2011, henta 5. januar 2011
Forfatterforeningen (20.11.2009), Med poetisk språk og erotisk grunntone, arkivert frå originalen 13. februar 2010, henta 5. januar 2011
Kulturnett, Ann Kavli
Samlaget, ANN KAVLI
skrift.no, ANN KAVLI
Rottem, Øystein (10.05.1996), «Myke og knudrete dikt», Dagbladet.no

Fotnotar

Bakgrunnsstoff

Nettstaden til Ann Kavli
Bøker av Ann Kavli digitalisert hjå Nasjonalbiblioteket
Dagbladet Arkivert 2007-06-14 ved Wayback Machine.

[1] Aftenposten

[2] Samlaget

[3] skrift.no

[4] Dagbladet.no

[5] Rottem 1996

[6] Samlaget

[7] Forfatterforeningen 2010

[8] Rottem 1996

[9] Dagbladet.no

[10] Forfatterforeningen 2009

[11] Dagbladet.no

[12] Samlaget

[13] Kulturnett

[14] Samlaget

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

Ann Kavli

Statsborgarskap	Noreg
Fødd	17. september 1960 (64 år) Åndalsnes
Yrke	skribent, lyrikar