Anne Flugstad
Anne Persdotter Flugstad (f. 1966 )[1] er ein norsk skodespelar, artist og musikar frå Ottestad i Stange kommune.[2]
| Anne Flugstad | |
| Statsborgarskap | Noreg |
| Fødd | 1966 (58 år) |
| Yrke | skodespelar |
Verksemd endre
Anne Flugstad er utdanna adjunkt, men har vidareutdanning innan forteljarkunst. Ho har i mange år vore aktiv med både song, teater, forteljing, deklamering, dans og fløytespel,[2] og har levd av underhaldning og kulturformidling sidan 1999.[3] Ho har vore med på fleire plateinnspelingar med både religiøst og ikkjereligiøst innhald, bla plata Fulanimesse med Det Norske Misjonsselskap i 2005.[4] Plata hadde musikk frå Fulani-folket i Mali. I juni 2009 hadde ho konsertturné med norske og afrikanske songarar, som enda opp med stor konsert i Oslo konserthus.
Flugstad har reist mykje innanfor Den kulturelle skolesekken og Den kulturelle spaserstokken og er aktiv i Tidsbroen , arbeid for 10 - 12-åringar i Den norske kyrkja i Hamar bispedøme. I 2010 laga ho konsertforestillinga Perler på en snor, som handla om Margrethe Munthe, og ho framførte dette under Festspela i Elverum i august 2011. Ho har også samarbeidd og hatt konsertar med pianisten Yngve Espedal.[5], samt hatt konsertprogram om Alf Prøysen.[3] Flugstad har også delteke på Fortellerfestivalen i Oslo.[6]
Utmerkingar endre
- I 2003 fekk Anne Flugstad Bibelprisen saman med Birgitte Bjørnstad Sæbø. Dei fekk prisen for sitt engasjement med å formidla forteljingane i Bibelen for born og unge, særskilt i skulen.[7]
- I 2011 vart ho tildelt Under Bruaprisen frå Under Bruafestivalen på Hamar.[8],[9]
- I 2012 fekk Anne Flugstad "Stangeprisen", Stange kommunes kulturpris.
Fotnotar endre
- ↑ Anne Persdotter Flugstad hjå Purehelp.no
- ↑ 2,0 2,1 Ilseng.net: Under Brua-prisen 2011 tildelt Anne Flugstad
- ↑ 3,0 3,1 Sjømannskyrkja: Konsert Anne Flugstad og Yngve Espedal, arkivert frå originalen 29. august 2012, henta 6. mars 2012
- ↑ Fulanimesse på Rockipedia.[daud lenkje]
- ↑ Anne Flugstad med variert program i Sjømannskirken på Costa Blanca
- ↑ Fortellerfestivalen: Anne Flugstad - Hva gikk gutten på?, arkivert frå originalen 11. mars 2016, henta 6. mars 2012
- ↑ Bibel.no: Prisvinnere[daud lenkje]
- ↑ Under Bruaprisen 2011 tildelt Anne Flugstad.
- ↑ Østlendingen, 10. august 2011: Under Brua med en vri