Antony Gormley
Antony Gormley (fødd 30. august 1950 i London) er ein engelsk kunstnar.
| Antony Gormley | |
 | |
| Statsborgarskap | Storbritannia |
| Fødd | 30. august 1950 (74 år) London |
| Yrke | bilethoggar, scenograf, fotograf, teiknar, installasjonskunstnar, kunstnar |
| Språk | engelsk |
| Medlem av | Royal Academy of Arts |
| Ektefelle | Vicken Parsons |
| Nettstad | http://www.antonygormley.com |
| Antony Gormley på Commons | |
Gormley studerte ved Ampleforth College og Trinity College i Cambridge fram til 1971, då han drog til India og Sri Lanka for å studera buddhismen. Tilbake i England i 1974 fullførte han studia sine ved ulike institusjonar i London.
Kunstnaren tek som oftast utgangspunkt i menneskekroppen, gjerne sin eigen, som han omformar til skulpturar ved hjelp av metallformer. Verka hans er i regelen reinska for individuelle kjenneteikn, og formene er ofte reproduserte fleire gonger.
I 1994 vann Gormley den prestisjefylte britiske Turnerprisen for Field for the British Isles.
Kjende kunstverk
endreI Noreg er Gormley mest kjend for å ha sett opp ei rekke rustne avstøypingar av seg sjølve på Solastranda ved Stavanger lufthamn, Sola, kunstverket gav han tittelen Another Place, 'Ein annan stad'.[1] Installasjonen har og vore sett opp i Tyskland, Belgia og England.
Kunstverket Broken Column - avbroten søyle er sett opp på utvalde stadar i Stavanger sentrum. 23 like, sandblåste jernavstøypingar av kroppen til Gormley er sett opp frå hamna og opp til Rogaland Kunstmuseum ved Mosvatnet.[2] Ved Akershus festning i Oslo er det sett opp eit kunstverk av Gormley til minne om dei norske jødane som vart sende til konsentrasjonsleirar i Tyskland under den andre verdskrigen.
I Storbritannia er han mest kjend som kunstnaren bak skulpturen Angel of the North ('engelen frå nord'). Skulpturen er plassert utandørs i landskapet ved Gateshead nord i England. Stålskulpturen Quantum Cloud i London, med ei høgd på 30 meter, har og fått merksemd.
Kjelder
endre- ↑ NRK (11. juni 2004), «Kunst på nettet», NRK (på norsk bokmål), henta 13. mai 2019
- ↑ Hadland, Wenche Lamo (15. februar 2008), «Rustne menn, ser vi dem?», NRK (på norsk bokmål), henta 13. mai 2019
Bakgrunnsstoff
endre- Offisiell heimeside
- Intervju med Gormley, av Edward Lucie Smith i RealMedia format
- Intervju med Gormley av F. David Peat
- Gateshead Council si side om Angel of the North
- Gormley side ved Tate Gallery[daud lenkje]
Wikimedia Commons har multimedia som gjeld: Antony Gormley