Aras

(Omdirigert frå Arax)

Aras (òg kalla Araks, Arax, Araxi, Araxes, Araz, eller Jeraskh; tyrkisk Aras Nehri armensk Արաքս, aserbajdsjansk Araz, persisk ارس, kurdisk Aras eller Araz) er ei elv som renn gjennom landa Tyrkia, Armenia, Iran og Aserbajdsjan. Den totale lengda er 1 072 km.

Aras
elv
Aras, Nakhitsjevan til høgre, og Iran til venstre.
Land  Tyrkia,  Armenia  Iran,  Aserbajdsjan
Nedslagsfelt 102 000 km²
Lengd 1 072 km
Middelvassføring 285 /s
Kjelde Provinsen Erzurum i Tyrkia
 - høgd 3 000 moh.
Munning Kura
Kart
Aras
39°20′17″N 41°19′42″E / 39.33792°N 41.32823°E / 39.33792; 41.32823
Wikimedia Commons: Aras River

Grenseelva endre

Aras har utspring nær Erzurum i Tyrkia. Ho møter elva Akhurjan søraust for Digor, og dannar så grensa mellom alle landa i området. Først mellom Tyrkia og Armenia, før ho vidare strøymer langs Tyrkia og Aserbajdsjan sin Nakhitsjevan-eksklave. Ho renn så vidare langs grensa av Iran og Nakhitsjevan, grensa mellom Iran og Armenia og så grensa mellom Iran og sjølve Aserbajdsjan, før ho møter elva Kura. Kura renn så ut i Kaspihavet.

Soge endre

Namnet til Aras går heilt tilbake til det antikke Armenia. I antikken meinte Armenes, som ein trur er stamfaren til dagens armenarar, at vatnet var heilag. Ut i frå dette kalla han elva opp etter Arast, ein etterkomar av den legendariske armenske patriarken Haik.[1] Namnet vart seinare hellenisert til Araxes, og vart ein del av Kura-Araxes kulturen, eit prehistorisk folk som blømde i dalane til elvene Kura og Aras.

Fleire gonger er det derimot Volga som vert kalla Araxes, særleg i Herodot sine soger.

Enkelte meiner òg at Aras er elva Gihon, som er nemnd i andre kapittel av Bibelen. Gihon var ei av fire elvar som rann ut frå Edens hage

I moderne historie er Aras mest kjend som ei geografisk, politisk grense. I 1813 vart ho vald som grensa mellom Persia og Russland i Golestan-traktaten, der heile området nord for elva vart annektert til Russland. Iran og Sovjetunionen bygde seinare ei felles demning i elva i Poldasjt-området.

Populær kultur endre

Elva Aras vert nemnd i songen «Holy Mountains» av musikkgruppa System of a Down på albumet Hypnotize.

Kjelder endre

  1. Elisabeth Bauer. Armenia: Past and Present, p. 49. ISBN B0006EXQ9C