Are Tronseth

Are Tronseth
Personleg informasjon
Fullt namn	Are Tronseth
Fødd	3. september 1981 (43 år)
Fødestad	Trondheim
Høgd	186 cm
Posisjon	Forsvarsspelar
Klubbinformasjon
Noverande lag	Haugesund
Nummer	25
Ungdomsklubbar
	Remyra; Stjørdals-Blink
Seniorkarriere*
Landslag
	* Seniorklubbkampar og mål berre telt for nasjonal liga og oppdatert 29. august 2011

Are Tronseth (fødd 3. september 1981 i Stjørdal) er ein norsk fotballspelar. I 2011-sesongen spelar han i forsvar for Haugesund i Eliteserien.

Dei første klubbane til Tronseth var Remyra og Stjørdals/Blink. Han vart teken opp i A-stallen til Rosenborg sommaren 2000 etter salet av Bjørn Otto Bragstad til Derby County. Der fekk han den første A-lagskampen sin i mai 2001 mot Bossekop i første runde av cupen, der han også skåra. Han blei seinare omskulert til spiss og gjorde eit positivt inntrykk for Rosenborg sitt andrelag.

Tronseth blei henta til Hamarkameratene før 2003-sesongen av trenar Ståle Solbakken, på utleige frå Rosenborg. Her spelte Tronseth midtstoppar og var eit vesentleg bidrag til at Hamarkameratene i 2003 rykkte opp til Tippeligaen. Seinare same året blei overgangen gjort permanent, og Tronseth fekk fast kontrakt, samtidig som han også fekk totalt åtte U21–landskampar for Noreg. Han debuterte for U21–landslaget under ei turnering i Qatar mot Brasil i januar 2003.

Før 2005-sesongen blei han likevel lånt ut til Hønefoss, og før 2006-sesongen meldee han overgang til Fredrikstad. Tronseth spelte deretter i Sarpsborg Sparta, før han i september 2008 signerte ein treårskontrakt med FK Haugesund. Han var fast på laget til Haugesund då klubben rykte opp frå 1. divisjon i 2009, og under 2010-sesongen i Tippeligaen.

Denne artikkelen starta med ei omsetjing frå Bokmålswikipediaen 19. mai 2011.

Fotnotar

↑ ^1,0 ^1,1 ^1,2 Norsk og internasjonal fotballstatistikk

Kjelder

Spelarprofil på Haugesund sine nettsider Arkivert 2010-04-12 ved Wayback Machine.

[nifs-1] 1,0 ^1,1 ^1,2 Norsk og internasjonal fotballstatistikk

[1]