Aribert Reimann

Aribert Reimann (fødd 4. mars 1936 i Berlin) er ein tysk pianist, komponist og musikkvitar. Han har komponert både kammermusikk og orkesterverk. Vokalmusikkverka hans inneheld ei stor spennvidde; dei kan femna om alt frå uakkompagnert solosong til stor korsymfonikk i eitt og same stykke, og dette har gjort Reimann til ein viktig komponist i samtida si. Han er busett i Berlin, og arbeider der.

Aribert Reimann
Fødd	4. mars 1936
Fødestad	Berlin
Død	13. mars 2024 (88 år)
Dødsstad	Berlin
Opphav	Tyskland
Sjanger	opera, klassisk musikk, eksperimentell musikk
Instrument	piano
Verka som	komponist, pianist, librettist
Far	Wolfgang Reimann
Prisar	Pour le Mérite für Wissenschaften und Künste, Verdienstorden des Landes Berlin, Großes Verdienstkreuz mit Stern des Verdienstordens der Bundesrepublik Deutschland, Bach-Preis der Freien und Hansestadt Hamburg, stort fortjenstkors av Forbundsrepublikken Tysklands fortjenstorden, Bayerischer Maximiliansorden für Wissenschaft und Kunst, Berliner Kunstpreis, Arnold Schönberg Prize, Robert Schumann Prize for Poetry and Music, Ernst von Siemens’ musikkpris, Verdienstkreuz 1. Klasse des Verdienstordens der Bundesrepublik Deutschland, Frankfurter Musikpreis

Liv og virke

Allereie som tiåring komponerte Reimann sine fyrste verk for piano. Etter å ha gjennomført obligatorisk skulegang tok han til å studera komposisjon, kontrapunkt og klaver ved musikkhøgskulen i Berlin og fekk samtidig ei stilling som repetitør-pianist ved Deutsche Oper Berlin. I 1958 reiste Reimann til Wien for å studera musikkvitskap ved universitetet der, og han heldt etter kvart sine fyrste opptrinn som pianist. I byrjinga av 1970-åra vart Reimann teken opp som medlem i det prestisjetunge Akademie der Künste i Berlin. Frå 1983 til 1998 heldt han eit professorat ved musikkhøgskulen i Berlin.

Karrieren til Aribert Reimann skaut fart fyrst då han byrja å komponera ballettar i samarbeid med forfattaren Günter Grass. Handlingsballettane Stoffreste (1959) «Stoffrestar» og Die Vogelscheuchen (1970) - «Fugleskremsla» vart til med libretto av Grass og musikk av Reimann. I tillegg tonesette Reimann diktet März av Grass for talestemme og fløyte. Reimann har særleg utmerka seg ved å komponera viktige operaer, noko som tok til etter urframføringa av hans versjon av August Strindbergs Ett drömspel i 1965. Etter dette komponerte han operaer av legenda Melusine (1971), Shakespeares King Lear (1978), Strindbergs Spöksonaten (1983), Trojanerinner av Euripides (1986), Slottet av Franz Kafka (1992), Bernardas hus av Federico García Lorca (2000) og nyleg Medea etter tredje del av dramaet Das goldene Vlies av Franz Grillparzer. Dette har styrkt stillinga til Reimann som ein av dei leiande operakomponistane i Tyskland.

Det var Aribert Reimann som skipa Busoni-komposisjonsprisen i 1988. Dette er den einaste av prisane til kunstakademiet i Berlin som har til formål å styrka rekrutteringa av unge, lovande komponistar. Ein har i tillegg gitt prisstipend til ein utvald komposisjonsstudent sidan 1992.

Utmerkingar (utval)

• Medlem av Freie Akademie der Künste in Hamburg (1983)
• Stor fortenestkross av Forbundsrepublikken Tysklands fortenestorden (1985)
• Berlins fortenestorden (1988)
• Frankfurter Musikpreis (1991)
• Pour le Mérite for vitskap og kunst (1993)
• Offiser av den kulturelle fortenestordenen i Monaco (1993)
• Stor fortenestkross med stjerne av Forbundsrepublikken Tysklands fortenestorden (1985)
• Berliner Kunstpreis (2002)
• Bayerischer Maximiliansorden für Wissenschaft und Kunst (2003)
• Arnold Schönberg-prisen (2006)
• Medea vart kåra til årets urframføring av bladet Opernwelt (2010)
• Ernst von Siemens' musikkpris (2011)

Kjelder

• Denne artikkelen bygger på «Aribert Reimann» frå Wikipedia på tysk, den 8. august 2013.

Bakgrunnsstoff

Commons har multimedium som gjeld: Aribert Reimann