Arne Rostad
Arne Rostad (4. mars 1894–21. juni 1969) var ein gardbrukar, organisasjonsleiar og politikar frå Verdal i Nord-Trøndelag.
| Arne Rostad | |||
.jpg) | |||
| Fødd | 4. mars 1894 Verdal kommune | ||
|---|---|---|---|
| Død | 21. juni 1969 (75 år) | ||
| Statsborgar av | Noreg | ||
| Parti | Senterpartiet | ||
| Yrke | politikar, bonde | ||
| Far | Bernhard Rostad | ||
| Alle verv |
| ||
Rostad voks opp på storgarden Trones i Verdal, der far hans var proprietær. Frå 1913 til -18 dreiv han sjølv gard på Lambertseter i Oslo. Samstundes utdanna han seg på Vinterlandbruksskolen i Oslo og deretter på Norges landbrukshøgskole i Ås i Akershus. I 1918 kjøpte han storgarden Mustad i Vardal herad, tett vest om Gjøvik. Seinare arva han farsgarden i Verdal og dreiv den òg, men heldt fram å bu i Vardal.
I over 40 år sat Rostad i ei rad med sentrale posisjonar innom landbruket, lokalt så vel som nasjonalt. Han var såleis styreformann 1924-54 i Gjøvik Meieri og 1932-69 i Holmen brenneri. Vidare var han formann i Meierienes Arbeidsgiverforening frå 1937 og i Landbrukets Arbeidsgiverforeninger frå 1950, verv han hadde til han døydde i 1969. Innom potetnæringa var han styreformann 1941-67 for A/L Potetmelfabrikenes Salgskontor og 1948-67 formann for Hveem forsøks- og stamsædsgård for poteter.
Rostad var heradsstyremedlem i Vardal frå 1925 til –40. I 1945 var han medlem i Det økonomiske samordningsråd. Same hausten vart han vald til å representere Oppland og Bondepartiet på Stortinget. Dei neste fire åra var han nestformann i Kommunalkomitéen. Også i 1945, det året han vart tingmann, valde Norges Bondelag Rostad til formann, eit verv han hadde til 1951. Der etter fekk han plass i Skogkommisjonen av 1951. Seinare var han formann i Forskningsutvalget for konserves frå 1954. Han leidde Avlslaget for Telemarksfe 1954-69 og Landslaget for Storfeavl 1958-66. I 1959 fekk han styreplass i Vinmonopolet. Og frå 1962 til han døydde var Rostad formann i Opplysningsutvalget av 1962 om Norge og Fellesmarkedet.