Arnold Weiberg-Aurdal

Arnold Weiberg-Aurdal (18. juni 1925–3. februar 2016) var ein norsk stortingsrepresentant, bonde, heradsagronom og forfattar frå Sykkylven.

Arnold Weiberg-Aurdal
Fødd	18. juni 1925 Ålesund kommune
Død	3. februar 2016 (90 år)
Statsborgar av	Noreg
Parti	Senterpartiet
Yrke	politikar, skribent
Utdanna ved	Noregs miljø- og biovitskaplege universitet
Alle verv	stortingsrepresentant (1969–1973) medlem av Europarådets parlamentarikerforsamling (1972–1973) stortingsrepresentant (1973–1977) stortingsrepresentant (1977–1981) stortingsrepresentant (1981–1985)

Liv og gjerning

Weiberg-Aurdal var fødd i Ålesund, der faren Bastian M Weiberg-Aurdal var privatpraktiserande lege. Oppveksten fekk han Karigarden på Velle i Sykkylven, som faren åtte. Sjølv gjekk han befalsskule og utdanna seg til sivilagronom ved Noregs landbrukshøgskule i 1953, og var sidan heradsagronom i både Stranda og Sykkylven.

Weiberg-Aurdal var stortingsrepresentant for Senterpartiet frå 1969 til 1985. I alle år på Tinget var han medlem av samferdslekomiteen, formann frå 1973 til 1981. Den siste fireårsperioden på Stortinget var han også medlem av den utvida utanriks- og konstitusjonskomitéen.

Weiberg-Aurdal var med i kommunestyret i Sykkylven i årevis, ordførar i åtte år. Han var også medlem av fylkestinget i Møre og Romsdal, og var elles med i ei rekkje styre og utval, såvel kommunale, statlege og private.

Som forfattar har han skrive ei rad med bøker, slektshistorier og jubileumsskrift.

Arnold Weiberg-Aurdal fekk tildelt Kongens fortenestmedalje i gull i 2003.

Bakgrunnsstoff

• «Arnold Weiberg-Aurdal». Stortinget.no.