Asad Jammu og Kashmir

Asad Jammu og Kashmir (AJK) er ein provins i Pakistan, i den sørlege delen av pakistansk Kashmir, danna av den vestlege delen av den tidlegare fyrstestaten Kashmir. Staten har grense mot indisk Kashmir i aust og mot dei pakistanske provinsane Panjab i sør, Den nordvestlege grenseprovinsen i vest og Gilgit-Baltistan, også ein tidlegare del av Kashmir, i nord.

Asad Jammu og Kashmir
آزاد جموں و کشمیر‎
provins
Flagg Symbol
Land	Pakistan
Del av	Pakistansk Kashmir
Hovudstad	Muzaffarabad
Areal	13 297 km²
Folketal	4 567 982 (2008)
Grunnlagd	1948
Asad Jammu og Kashmir 33.938083333333°N 73.764555555556°E / 33.938083333333; 73.764555555556
Kart som viser Asad Jammu og Kashmir. Kart som viser Asad Jammu og Kashmir.
Wikimedia Commons: Azad Kashmir

Staten har rundt 4,5 millionar innbyggjarar og dekker 13 297 km². Hovudstaden er Muzaffarabad. Den største byen er Mirpur. Urdu og engelsk er offisielle språk. Ellers snakkar ein hindko, mirpuri, pahari, gojri, panjabi og pasjto.

Historie

Ved Delinga av Britisk India fekk dei sjølvstyrande fyrstestatane høve til å velja kva land dei ville bli del av. Maharadja Hari Singh av Jammu og Kashmir utsette valet og prøvde å halda staten sjølvstendig. Dette gjekk ikkje i lengda. I oktober 1947 gjekk stammekrigere frå Den nordvestlege grenseprovinsen og stammeområda i Pakistan til åtak på fyrstestaten. Maharadjaen fekk indisk hjelp mot invasjonen ved å gå med på å bli indisk delstat. Indiske og pakistanske styrkar slost mot kvarandre og etablerte ei grense kjend som Line of Control. I 1949 gjekk landa gjekk med på ein våpenkvileavtale. Deretter delte Pakistan sin del av Kashmir inn i Dei nordlege områda (seinare Gilgit-Baltistan) og Asad Jammu og Kashmir.

I oktober 2005 blei Asad Jammu og Kashmir ramma av eit jordskjelv som målte 7,6 på Richters skala. Skjelvet hadde episenter nær Muzaffarabad, der rundt halvparten av bygningane fall saman. Rundt 30 000 menneske blei drepne i provinsen.

Kjelder

• Kashmir «Azad_Kashmir» i Store norske leksikon, snl.no.

---

• Denne artikkelen bygger på «Azad Kashmir» frå Wikipedia på engelsk, den 23. mars 2010.

Bakgrunnsstoff

Commons har multimedium som gjeld: Asad Jammu og Kashmir

• Offisiell nettstad
  Denne geografiartikkelen som har med Pakistan å gjere, er ei spire. Du kan hjelpe Nynorsk Wikipedia gjennom å utvide han.