Barguzin
Barguzin (russisk Баргузин; burjatisk Баргажан, Bargažan) er ei elv i Burjatia i Russland med ei lengd på 480 km og munnar ut i Barugzinbukta i Bajkalsjøen, den største bukta i denne innsjøen.
| Barguzin | |||
| elv | |||
 Barguzin ved Bajkalsjøen
| |||
| Land |  Russland
| ||
|---|---|---|---|
| Nedslagsfelt | 21 100 km² | ||
| Lengd | 480 km | ||
| Middelvassføring | 130 m³/s | ||
| Kjelde | Ikatskijfjellet | ||
| Munning | Bajkalsjøen | ||
 Barguzin 53°25′30″N 108°59′49″E / 53.425°N 108.997°E | |||
| Wikimedia Commons: Barguzin River | |||
Barguzin er den tredje største elva som munnar ut i Bajkalsjøen i form av vassføring etter Selenga og Øvre Angara. Ho har eit nedslagsfelt på 21 100 km² og er framkommeleg for skipsfart dei nedste 204 kilometrane.
Dei største sideelvane hennar er Gagra, Argada, Ina og Uljun.
Barguzindalen
endreDen midtre delen av Barguzin renn gjennom Barguzindalen, som er 200 km lang og opp til 35 km brei. Han går mellom Barguzinfjella i nordvest og Ikatfjella i søraust. Elva svingar seg gjennom dalen og det ligg restar av gamle elvefar og myrlendte kanalar som dannar meir enn 1000 små vatn. Her ligg òg Dzjerga naturreservat med eit areal på 2387 km².
Barguzinvinden
endreElva har òg gjeve namn til den vedvarande, sterke nordvestlege Barugzinvinden i Bajkalsjøen. Lufta strøymer ut over Bajkalsjøen frå Barguzindalen og bles tvers over innsjøen. Vinden bles hovudsakleg medan sola er oppe, vanlegvis på solrike dagar. I Barugzinbukta kan vinden stundom komme opp i orkan styrke, men vanlegvis er vinden svakare enn 20 m/s (sterk kuling).
Kjelder
endre- Denne artikkelen bygger på «Barguzin River» frå Wikipedia på engelsk, den 20. oktober 2008.