Bassisten Tony Jackson
Anthony Paul Jackson (16. juli 1940–18. august 2003) var ein engelsk bassgitarist og songar som var ein av dei opphavlege medlemmane i The Searchers.
| Tony Jackson | |||
| Fødd | 16. juli 1938 | ||
|---|---|---|---|
| Fødestad | Dingle | ||
| Død | 18. august 2003 (65 år) | ||
| Dødsstad | Nottingham | ||
| Fødenamn | Anthony Paul Jackson | ||
| Opphav | Storbritannia | ||
| Aktiv | 1959–2003 | ||
| Instrument | gitar, vokal | ||
| Verka som | songar | ||
Biografi endre
Jackson var fødd i Dingle i Liverpool i Lancashire. Jackson var inspirert av skifflestilen til Lonnie Donegan, og så av Buddy Holly og andre amerikanske rock and roll-artistar. Han skipa skifflegruppa The Martinis. I 1959 vart han med John McNally og Mike Pender i The Searchers. Jackson bygde seg ein eigen bassgitar og lærte seg å spele, men det var vanskeleg for han å syngje samstundes. Bandet fekk derfor inn ein ny songar, Johnny Sandon, i 1960. Dei spelte på nattklubbar i Liverpool og pubar i Hamburg i Tyskland. Brian Epstein vurderte å bli manager for dei, men han mista interessa då han såg ein full Jackson falle av scenen på Cavern Club. Sandon slutta i bandet i februar 1962 og bandet fekk kontrakt med Pye Records i midten av 1963 med Jackson attende som songar. Han song og spelte bass på dei to første hittane deira, «Sweets for My Sweet» og «Sugar and Spice», men var ikkje vokalist på den største hitten til bandet, «Needles and Pins». Han song på både «Don't Throw Your Love Away» og «Love Potion No. 9». Jackson slutta i bandet i 1964 då ha ikkje likte retninga bandet tok, bort frå rock and roll, mot ein mildare, meir melodisk stil.
Han byrja så i bandet The Vibrations, som turnerte i Storbritannia med The Hollies, Marianne Faithfull og andre artistar. Dei gav ut fire singlar for Pye Records, men berre den første vart ein suksess. I 1965 endra dei namn til Tony Jackson Group, men den fjerde singelen selde òg dårleg og dei vart droppa av Pye. Etter ein periode på CBS utan betre resultat, gav Jackson seg heilt med musikkarrieren.
Kjelder endre
- Denne artikkelen bygger på «Bassisten Tony Jackson» frå Wikipedia på engelsk, den 19. mars 2018.
- Wikipedia på engelsk oppgav desse kjeldene:
- Francis, Paul (2011). Drumming Up Vibrations. UK: Twizz Publications (22 Sep 2011). s. 192. ISBN 0-9569722-0-9. 'Paul Francis, Drummer of the Vibrations, story of being on the road and in the studio with Tony Jackson and the Vibrations'
- Associated Press, 'Tony Jackson, Bass Player of the Searchers', (22. august 2003) Henta 22. mai 2005
- «'Tony Jackson and the Vibrations', The British Beat Boom 1963-66». Arkivert frå originalen 28. oktober 2009. Henta 22. mai 2005.
- Allen, Frank. 'Tony Jackson', jacobsladder.org.uk (August 2003) Henta 22. mai 2005
- Eder, Bruce. Allmusic