Jonas Gahr Støre
Jonas Gahr Støre (fødd 25. august 1960) er ein norsk politikar og har vore leiar i Arbeidarpartiet sidan 14. juni 2014. Han blei statsminister i Noreg etter valet i 2021. Frå 17. oktober 2005 var han utanriksminister i regjeringa Stoltenberg II. Frå september 2012 fekk han stillinga som helseminister i same regjeringa.
| Jonas Gahr Støre | |
.jpg) | |
| Fødd | 25. august 1960 (63 år) Oslo |
|---|---|
| Statsborgar av | Noreg |
| Parti | Arbeidarpartiet |
| Yrke | politikar, diplomat, deltakar i internasjonale forum, multimillionær, aksjonær |
| Institusjonar | Harvard University Handelshøyskolen BI Verdsorganisasjonen for helse Norges Røde Kors |
| Utdanna ved | Sciences Po Sjøkrigsskulen Berg videregående skole |
| Mor | Unni Støre |
| Far | Ulf Jonas Støre |
| Ektefelle | Marit Slagsvold |
| Medlem | Stortingets særskilte komité for å behandle spesielle saker vedrørende korona-krisen |
| Alle verv |
|
Bakgrunn Endra
Støre blei fødd i Oslo som son av skipsreiaren Ulf Jonas Støre og hustrua Unni Gahr.[1] Han gjekk på Marinens befalskole ved Sjøkrigsskolen i Bergen i 1979 til 1981, før han deretter tok utdanninga som statsvitar med spesialisering i historie og sosialøkonomi ved Institut d'études politiques de Paris i Frankrike frå 1981 til 1985.[2] Støre talar fylgjeleg flytande fransk. Han blei også teken opp som doktorgradsstudent ved London School of Economics, men slutta etter fåe veker. I staden underviste han ved Harvard Law School i 1986, og arbeidde deretter som forskar ved Bedriftsøkonomisk Institutt frå 1986 til 1989.
Støre blei så tilsett som spesialrådgjevar ved Statsministerens kontor. Under EØS-forhandlingane tidleg på 1990-talet var Gahr Støre spesialrådgjevar for Gro Harlem Brundtland og aktiv deltakar i utforminga og forhandlinga av avtalen. Seinare blei han ekspedisjonssjef i Utanriksdepartementet. I 1998 blei Støre eksekutivdirektør (stabssjef) ved Gro Harlem Brundtland sitt kontor i Verdshelseorganisasjonen (WHO).[3]
I åra 2002–2003 var Støre arbeidande styreleiar i analyseselskapet Econ, før han blei generalsekretær i Raudekrossen i august 2003. Denne jobben hadde han til han blei utanriksminister hausten 2005.[4]
Ved stortingsvalet 2009 blei han vald inn på Stortinget som fast representant for Oslo, men heldt fram i regjeringa som utanriksminister.
Jonas Gahr Støre er gift med sosiologen og forskaren Marit Slagsvold, og saman har dei tre born.
Kjelder Endra
- ↑ «Biografi: Støre, Jonas Gahr», Stortinget (på norsk), 9. november 2021, henta 24. september 2022
- ↑ «Jonas Gahr Støre», Arbeiderpartiet (på norsk bokmål), henta 24. september 2022
- ↑ kontor, Statsministerens (14. oktober 2021), «Statsminister Jonas Gahr Støre», Regjeringen.no (på norsk), henta 24. september 2022
- ↑ Garvik, Olav (28. desember 2021). «Jonas Gahr Støre». Store norske leksikon (på norsk bokmål).
Denne samfunnsartikkelen som har med Noreg å gjere, er ei spire. Du kan hjelpe Nynorsk Wikipedia gjennom å utvide han.