Bertram Brockhouse
Bertram Neville Brockhouse (15. juli 1918–13. oktober 2003) var ein fysikar frå Canada som fekk Nobelprisen i fysikk i 1994 saman med amerikanaren Clifford Shull, for forskinga si på nøytron.
| Bertram Neville Brockhouse | |||
 | |||
| Fødd | 15. juli 1918 Lethbridge i Alberta | ||
|---|---|---|---|
| Død | 13. oktober 2003 (85 år) Hamilton i Ontario | ||
| Nasjonalitet |  Canada Kanadisk | ||
| Område | fysikk | ||
| Yrke | fysikar, universitetslærar, kjernefysiker | ||
| Institusjonar | McMaster University Chalk River Laboratories | ||
| Alma mater | University of British Columbia University of Toronto | ||
| Kjend for | Forsking på nøytron | ||
| Medlem | Royal Society Kungliga Vetenskapsakademien American Academy of Arts and Sciences Royal Society of Canada American Physical Society | ||
Han tok Bachelor of Arts ved University of British Columbia i 1947, og ved University of Toronto tok han Master of Arts i 1948 og dr.philos. i 1950. Arbeidet som førte til Nobelprisen vart utført mellom 1950 og 1962 då han arbeidde ved Chalk River Nuclear Laboratory, som drives av Atomic Energy of Canada. Han var professor ved McMaster University i Ontario i Canada frå 1962 til 1984.
Han har fått to gater kalla opp etter seg, «Brockhouse Way» på McMaster University i 2005, og «Brockhouse Way» i Deep River i Ontario. Han har òg fått ein medalje kalla opp etter seg; «Brockhouse Medal», som vert gjeve ut kvart år av Canadian Association of Physicists.
Prisar
endre- 1994 saman med amerikanaren Clifford Shull
- Officer of the Order of Canada i 1982
- Companion of the Order of Canada i 1995
- Tory Medal of the Royal Society of Canada
- The Buckley Prize of the American Physical Society
Kjelder
endre- Denne artikkelen bygger på «Bertram Brockhouse» frå Wikipedia på bokmål, den 22. februar 2012.