Birgitte Grimstad

Birgitte Grimstad' (fødd 15. desember 1935) er ein dansk-norsk visesongar fødd i København.

Birgitte Grimstad
Fødd	15. desember 1935 (86 år)
Fødestad	København
Opphav	Noreg
Aktiv	1966–
Instrument	vokal
Verka som	songar, komponist, plateartist
Far	Aksel Schiøtz
Gift med	Per Øystein Grimstad
Prisar	Spellemannprisen i visesang

Grimstad er dotter av den danske songaren Aksel Schiøtz. Ho hat teaterutdanning frå USA, og har budd i Oslo sidan 1959. Ho jobba mange år i NRK, blant anna med barne-TV. Ho har ei omfattande konsertkarriere i Noreg og Danmark, men òg elles i Europa og USA. Saman med Åse Kleveland, Lars Klevstrand og Lillebjørn Nilsen var ho med i visegruppa Ballade!, som hadde eit repertoar som omfatta både mellomalderballadar, folkeviser, protestviser og kyrjemusikk.

I dei siste åra har ho arbeidd med teater og musikk både på Den Norske Opera, Det Norske Teatret, Seniorteateret, og med eigne soloførestillingar i friteateret Lille Vindharpe og med eventyra til H.C. Andersen.

Birgitte Grimstad har òg arbeidd som stemmepedagog.

Prisar

• 1971 Musikkritikerprisen
• 1973 Spellemannprisen 1972 i klassen visesong
• 1981 Spellemannprisen 1980 i klassen visesong som medlem av gruppa Ballade!
• 1985 Gammleng-prisen
• 1987 Fritt Ords honnør
• 1999 Alf Prøysens Ærespris

Diskografi

• 1968 Viser er så meget
• 1969 Barne-LP
• 1969 Ballads etcetera
• 1972 Viser i vinden
• 1973 Ej blot til børn
• 1977 Ord over grind
• 1978 En Dobbel Deylighet. Songar av Petter Dass, saman med Erik Bye
• 1978 Ballade! På turne. Live opptak fra Sandvika kino
• 1978 Ballade!
• 1980 Ballade! Ekstranummer.
• 1982 Pas på de vilde fugle
• 1991 After a Visit in the Greenhouse of Dreams
• 1996 51 Beste 1966–1994
• Love is a Flow
• Wondering and calling

Bøker

• 1969 Fra Birgitte Grimstads repertoar. Norsk Musikforlag. 24 sider
• 1972 Menneskeviser. Gyldendal. 112 sider