Bitola
makedonsk: Битола
Gate i Bitola
Gate i Bitola
Byvåpenet til Bitola
Byvåpenet til Bitola
Styresmakter
Land
Statistisk region
Nord-Makedonia
Pelagonia
Borgarmeister Vladimir Taleski
Geografi
Flatevidd
 - By

787,95 km²
Innbyggjarar
 - By (2002)
   - folketettleik

95 385
  121,1/km²
Koordinatar 41°01′55″N 21°20′05″EKoordinatar: 41°01′55″N 21°20′05″E
Høgd over havet +576 m
Tidssone CET (UTC+1)
Diverse anna
Postnummer 7000
Telefon-retningsnummer 389 047
Heimeside: bitola.gov.mk
Plassering
Plasseringa til Bitola i Nord-Makedonia
Plasseringa til Bitola i Nord-Makedonia

Bitola (makedonsk Битола) er ein by og ein kommune i regionen Pelagonia i Nord-Makedonia. Kommunen fekk sitt noverande omfang i 2004, då dei tidlegare kommunane Bistritsa, Kukuretsjani og Tsapari vart innlemma i kommunen.

Sjølve byen Bitola var med sine 74 550 innbyggjarar den nest største byen i Nord-Makedonia etter Skopje i 2002, medan kommunen, med 95 385 innbyggjarar, var den tredje største etter Skopje og Kumanovo. Den tidlegare kommunen Bitola hadde 86 408 innbyggjarar.[1][2]

Bitola ligg sør i Pelagoniadalen, sørvest i landet, og er eit senter for administrasjon, kultur, industri, handel og utdanning. Rundt byen ligg fjella Baba og Nidže. Grensa til Hellas ligg berre 14 km lenger sør. Bitola er eit viktig trafikknutepunkt mellom hovudvegen frå det sørlege Adriahavet til Egearhavet og Sentral-Europa.

I perioden under Det osmanske riket vart byen kalla «Byen av konsulane» sidan mange europeiske land hadde konsulat i Bitola.

Av innbyggjarar er dei fleste etniske makedonarar (88,7 %). Kommunen har òg mindre folkegrupper av albanarar (4,4 %), roma (2,7 %), tyrkarar (1,7 %) og vlacharar (1,3 %).

Byen er heimstad for St. Klement av Ohrid-universitetet i Bitola, Makedonia sitt nest største universitet.

HistorieEndra

I nærleiken av sentrum i Bitola låg den antikke byen Heraclea-Lyncestis. Under Austromarriket heitte byen Monastiri, som tyder «kloster» på gresk. Mot slutten av 1300-talet vart Bitola ein del av Serbia under Stefan Dušan. Byen vart erobra av Det osmanske riket1400-talet. Då Serbia tapte byen etter den første balkankrigen fekk han namnet Bitolj etter det slaviske ordet obitel som tyder kloster. På makedonsk er ordet for kloster manastir.

Busetnader i kommunenEndra

Dei største busetnadene i kommunen er:[1]

Busetnad Folketal 2002
Bitola 74 550
Bukovo 3 494
Gorno Orizari 2 454
Dolno Orizari 1 834
Bistritsa 1 015
Kukuretsjani 966

BakgrunnsstoffEndra

  Wikimedia Commons har multimedia som gjeld: Bitola

KjelderEndra

ReferansarEndra