Bjørg

Bjørg er eit kvinnenamn med opphav i det norrøne ordet bjǫrg, som tyder 'berging', 'hjelp' eller 'vern'. Namnet har vore mykje brukt som etterledd i samansette namn, som til dømes Ingebjørg, Oddbjørg og Torbjørg, og kan vere ei kortform av slike namn.

Politikaren Bjørg Tørresdal.

Foto: Jarle Vines

I Noreg har Bjørg namnedag 11. juni.

Bruken av namnet Bjørg i Noreg

Namnet var svært populært i tida 1920-1950; bruken har gått sterkt attende dei siste tiåra.

I folketeljinga i 1801 skreiv ikkje teljarane ned nokon med namnet Bjørg eller med kvinnenamn som inneheldt leddet Bjørg-. I 1900 oppgav 22 kvinner at dei heitte Bjørg, medan 3 700 oppgav namn som slutta på Bjørg. I dag er det nær 20 000 som har Bjørg til første fornamn.

Namneberarar

• Björg Þorláksdóttir (1874-1934), fyrste kvinnelege islending med doktorgrad
• Bjørg Lødøen (f. 1931), norsk kunstmålar og komponist
• Bjørg Vik (f. 1935), norsk forfattar
• Bjørg Askelund (1935-1991), norsk lektor og barnebokforfattar
• Bjørg Simonsen (f. 1937), norsk politikar
• Bjørg Jønsson (f. 1940), norsk forfattar
• Bjørg Hope Galtung (f. 1942), norsk stortingspolitikar
• Bjørg Tørresdal (f. 1958), norsk stortingspolitikar
• Bjørg Eva Jensen (f. 1960), norsk skøyteløpar og OL-vinnar
• Bjørg Øygarden (f. 1960), norsk psykolog og forfattar

Bjørg som namnedel

Namn som byrjar med Bjørg, Borg eller Berg: Borgar (m.) Bergljot Borghild Borgny Borgunn, Borgrun, Borgrunn Borgvald (m.)

Namn som endar med -bjørg og -borg Annbjørg/Anbjørg Arnbjørg/Arnborg Asbjørg/Asborg Eldbjørg/Elbjørg Gunnbjørg/Gunbjørg Hildbjørg/Hildborg/Hildebjørg/Hildeborg Ingebjørg/Ingeborg Oddbjørg/Oddborg Solbjørg/Solborg Torbjørg/Torborg Valbjørg/Valborg

Kjelder

• Olav Veka 1991: Namneboka, Det Norske Samlaget

• Søk etter norsk namnestatistikk for Bjørg hjå Statistisk Sentralbyrå
• Folketeljingar i Digitalarkivet