Bjørn Erling Ytterhorn

norsk politikar

Bjørn Erling Ytterhorn (17. august 192312. september 1987) var ein norsk offiser og politikar frå Fana i Hordaland. Han representerte Hordaland og FramstegspartietStortinget frå 1981 til han omkom i 1987. Frå 1978 til -82 var han nestformann i Framstegspartiet. Han var gift med Inger-Marie Ytterhorn.

Bjørn Erling Ytterhorn
Fødd 17. august 1923
Fana kommune
Død

12. september 1987 (64 år)
Os

Yrke politikar

Ytterhorn var son til ein lærar. Etter studenteksamen i 1943 utdanna han seg ved Sjøkrigsskulen og Sjøforsvarets stabsskule. Frå 1945 gjorde han teneste i Marinen, etter 1952 som divisjonssjef for motortorpedobåtar, minesveiparar og i 1964-65 jagarar. Han var sjef for utdanningsavdelinga i Sjøforsvarets overkommando 1961–64 og torpedo/mineskulen 1965-68. Noregs forsvarsattaché i Sovjetunionen og Polen 1968–71 og tilsett ved Forsvarskommando Sør-Norge 1971–75. Til sist sjef for operasjonsavdelinga ved Vestlandets sjøforsvarsdistrikt på Haakonsvern Orlogsstasjon 1975–81.

I 1973 var Ytterhorn med på å stifte Anders Langes Parti, forløparen til Framstegspartiet. Han var formann i fylkespartiet i Hordaland 1975–81 og 1. viseformann i Framstegspartiet 1978-82. Frå 1976 var Ytterhorn fylkestingmedlem i Hordaland og frå 1980 bystyremedlem i Bergen bystyre, begge desse omboda hadde han til 1983. Hausten 1981 vart Ytterhorn vald inn på Stortinget frå Hordaland, attvald i 1985. Dei fire fyrste åra på Tinget var han sekretær i Forsvarkomiteen, sidan medlem i same komite. Han var heile tida parlamentarisk nestleiar.

Ytterhorn vart tildelt Forsvarsmedaljen og Deltakarmedaljen og britiske Defence Medal og War Medal. Han drukna.

KjelderEndra