The Blues Brothers

Denne artikkelen handlar om bandet. For filmen, sjå Filmen The Blues Brothers.

The Blues Brothers er eit amerikansk blues- og soul-band som vart grunnlagt i 1978 av komikarane Dan Aykroyd og John Belushi som del av ein musikalsk sketsj på fjernsynsprogrammet Saturday Night Live. Belushi og Aykroyd var frontfigurane i bandet i rollene som hovudvokalist «Joliet» Jake Blues og munnspelspelar/vokalist Elwood Blues. Resten av bandet bestod av velkjende og respekterte musikarar. Dei debuterte som musikalske gjester i TV-showet den 22. april 1978. Dei opna showet ved å framføra «Soul Man» og seinare «Hey Bartender».

The Blues Brothers
Opphav	Chicago, Illinois, USA
Aktiv	1978-i dag
Sjanger	Blues-rock, blues, rhythm and blues.
Plateselskap	Atlantic

Bandet strekte seg snart utover rammene i fjernsynet. I november 1978 sleppte dei albumet Briefcase Full of Blues, nyttårsaftan 1978 varma dei opp for Grateful Dead på Winterland Arena i San Francisco og i 1980 vart filmen The Blues Brothers produsert.

Etter at Belushi døydde i 1982, heldt the Blues Brothers fram med å opptre med ei rekkje ulike gjestesongarar og andre bandmedlemmer. Bandet samla seg igjen i 1988 for å reisa på verdsturné, og i 1998 gav dei ut oppfølgjarfilmen Blues Brothers 2000.

Bandmedlemmer

Opphavlege medlemmer

(Ikkje alle medlemmene her var med i filmen frå 1980).

• «Joliet» Jake E. Blues – vokal
• Elwood J. Blues – munnspel, vokal
• Steve «The Colonel» Cropper – gitar, rytmegitar
• Donald «Duck» Dunn – bassgitar
• Murphy Dunne – keyboard, tamburin
• Willie «Too Big» Hall – trommer, perkusjon
• Steve «Getdwa» Jordan – trommer, perkusjon
• Birch «Crimson Slide» Johnson - trombone
• Tom «Bones» Malone – trombone, trompet, saksofon
• «Blue» Lou Marini – saksofon
• Matt «Guitar» Murphy – gitar og rytmegitar
• Alan «Mr. Fabulous» Rubin – trompet
• Paul «The Shiv» Shaffer – keyboard, arrangør
• Tom «Triple Scale» Scott – saksofon

Andre medlemmer

• Jim Belushi (som «Brother» Zee Blues) – vokal
• John Goodman (som «Mighty Mack» McTeer) – vokal
• Buster Blues – munnspel, vokal (spelt av J. Evan Bonifant i Blues Brothers 2000, munnspelet vart spelt av John Popper)
• Joe Morton (som Cabel «Cab» Chamberlain) - vokal
• Cab Calloway – vokal
• Larry «T» Thurston – vokal
• Eddie «Knock on Wood» Floyd – vokal
• Sam «Soul Man» Moore - vokal
• Bobby «Sweet Soul» Harden - vokal
• Tommy «Pipes» McDonnell – munnspel, vokal
• Rob «The Honeydripper» Paparozzi – munnspel, vokal
• Leon «The Lion» Pendarvis – piano, vokal, arrangør
• Danny «G-Force» Gottlieb – trommer
• Jimmy «Jimmy B» Biggins – saksofon
• Anthony «Rusty» Cloud – keyboard
• Birch «Crimson Slide» Johnson – trombone
• Eric «The Red» Udel – bass
• John «Smokin» Tropea – gitar
• Lee «Funky Time» Finkelstein – trommer
• Steve Potts – trommer
• Anton Fig - trommer
• Larry «Trombonius Maximus» Farrell – trombone
• Alto Reed - saksofon
• Jonny «The Rock & Roll Doctor» Rosch - vokal, munnspel

Kjelder

• Denne artikkelen bygger på «The Blues Brothers» frå Wikipedia på engelsk, den 2. juli 2018.