Braşov

Braşov
Braşov sett frå toppen av fjellet Tâmpa
Flagget til Braşov Byvåpenet til Braşov
Plassering
Styresmakter
Land	Romania
Fylke	Braşov
Grunnlagd	1408
Borgarmeister	George Scripcaru
Geografi
Flatevidd  - By  - Storbyområde	267,2 km² 1368.5 km²
Innbyggjarar  - Totalt (2007)    - folketettleik  - Storbyområde	277 945   1 040,2 /km² 399 316
Koordinatar	45°40′0″N 25°37′0″E
Høgd over havet	600 moh
Tidssone - Ved sommartid	EET (UTC+2) EEST (UTC+3)
Diverse annan informasjon
Postnummer	RO-500000
Retningsnummer (tlf)	+40 02 68
Bilnummer	BV
Nettstad: www.brasovcity.ro

Braşov (braˈʃov; ungarsk Brassó; tysk Kronstadt; latinsk: Brassovia eller Corona) er ein by i Romania og hovudstaden i Braşov fylke. Han har om lag 285 000 innbyggjarar og er den åttande største byen i etter Bucureşti, Cluj-Napoca, Timişoara, Iaşi, Craiova, Constanţa og Galaţi.

Braşov ligg sentralt i landet, om lag 166 km frå Bucureşti. Han er omgjeve av Dei sørlege Karpatane og er ein del av regionen Transilvania.

Historie

Rådhusplassen i september 2003

Byen vart grunnlagt under namnet Corona (Kronstadt) av ordensbrørne frå Den tyske riddarordenen på byrjinga av 1200-talet, som søraustlegaste tyske by i Siebenbürgen. I 1225 måtte ordensbrørne forlate byen og slo seg ned i Baltikum. Byen var gjennom mange hundreår det kulturelle, andelege og religiøse sentrum for siebenbürgen-saksarane, den tyske folkegruppa i Siebenbürgen, som hadde slått seg ned i området på 1200-talet og utgjorde majoriteten i byen fram til 1800-talet. Byen er òg ein av dei sju festningsbyane som gav namn til Siebenbürgen. På 1200- og 1300-talet gjekk tatarar og tyrkarar stadig til åtak på byen. Så seint som på 1600-talet var byen og regionen gjennom plasseringa si ved grensa til Det osmanske riket. Byen og regionen høyrte sidan mellomalderen til Kongedømet Ungarn og dermed det habsburgske riket (seinare Austerrike-Ungarn). Sidan Trianontraktaten i 1920 har byen vore ein del av Romania. Mellom 1951 og 1961 vart byen kalla Oraşul Stalin etter Josef Stalin av det sovjetinnsette kommunistregimet. I 1989 var byen ein av dei første der folk gjorde opprør mot kommunistdiktaturet under den rumenske revolusjonen. I dei siste tiåra har byen hatt ein rumensk majoritet. Det bur derimot framleis ein del ungararar der. Den tyske folkesetnaden har derimot nesten heilt forsvunne på grunn av bortdriving etter den andre verdskrigen og seinare utvandring. I dag er det om lag 1400 tyskarar att i byen.

Attraksjonar

• Bran slott - bygd av Den tyske riddarordenen og inspirasjonskjelde for Bram Stoker sin Dracula.
• Biserica Neagră - «den svarte kyrkja», ei mellomalderkyrkje frå 1383 (gjenoppbygd i 1477).

Kjelder

• Denne artikkelen bygger på «Braşov» frå Wikipedia på engelsk, og «Braşov» frå Wikipedia på bokmål den 9. juli 2008.

Fotnotar

Bakgrunnsstoff

• Virtuell rundtur gjennom Braşov
• Memorial Museum «Muresianus’ House» (engelsk)
• Brasov visitor (engelsk-språkleg magasin)