Christian Qvale
Christian Qvale (8. desember 1774–18. mars 1846) var ein norsk prest, ordførar og stortingsmann, fødd i Kvinesdal.
| Christian Qvale | |
| Statsborgarskap | Noreg |
| Fødd | 8. desember 1774 Kvinesdal kommune |
| Død |
18. mars 1846 (71 år) |
| Yrke | prest, politikar |
| Språk | norsk |
| Religion | Den evangelisk-lutherske kyrkja |
Qvale var son til ein prest. Han vart student frå katedralskulen i Trondheim i 1794 og cand. theol. fem år seinare. Frå 1800 til 1810 var han sokneprest i Hammerfest, sidan i Nesna til 1820. Tida 1820-46 var han sokneprest i Vefsn.
Qvale var 1. representant frå Nordlands amt på Stortinget i 1827 og på omframstortinget året etter. I 1827 var han medlem av komiteen om fiskeria, kanalanlegg i Helgeland og om reinskyss. Han var den fyrste ordføraren i Vefsn. Som prest og representant for bygdefolket i Vefsn gjorde han ein innsats for at soknet fekk kjøpe Dolstad kyrkje, etter at private aktørar først hadde fått tilslaget då Det nordlandske kyrkje- og skulefond selde kyrkja på auksjon.
Han døydde på prestegarden i Vefsn.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Ordførere i Vefsn drevja.com
- Biografisk informasjon om Christian Qvale NSD Norsk senter for forskningsdatas politikararkiv