Clara Ottesen
Clara Johanne Ottesen (30. oktober 1911–8. mai 1997)[1] var ein norsk samfunnsøkonom, statstenestekvinne, bistandsarbeidar og kvinnesaksforkjempar. Ho var leiar for Norsk Kvinnesaksforening frå 1968 til 1972.
| Clara Ottesen | |
| Fødenamn | Clara Johanne Helgerød |
| Statsborgarskap | Noreg |
| Fødd | 30. oktober 1911 Halden kommune |
| Død | |
| Yrke | samfunnsøkonom, embetsmann, bistandsarbeider |
| Politisk parti | Venstre |
| Medlem av | Norsk Kvinnesaksforening |
Liv og virke
endreOttesen tok examen artium i heimbyen Halden i 1931, deretter ved den einaste handelsutdanninga i samtida ved Oslo handelsgymnasium og blei utdanna cand.oecon. ved Universitetet i Oslo i 1938. Ho arbeidde som lærar i handelsfag 1938–1940, som sekretær (saksbehandlar) i Forsynings- og gjenreisingsdepartementet 1940–1949 og som sekretær og fyrstesekretær (frå 1954) i Sosialdepartementet 1949–1956. Frå 1956 arbeidde ho i Departementet for familie og forbrukarsaker/Forbrukar- og administrasjonsdepartementet, med tittelen konsulent, den gongen ei høg stilling i departementa med fagansvar for eit politikkområde. Ho var ein sentral byråkrat på familie- og likestillingsfeltet i 1950- og 1960-åra. Ho var SN-ekspert (Community Development Expert) i Aust-Pakistan (no Bangladesh) med bustad i Dhaka frå 1962 til 1964, og arbeida med å utvikle program for å styrke kvinner si stilling i landet.[2][3][4]
Ottesen var 2. nestleiar i Norsk Kvinnesaksforening 1966–1968; ho etterfølgde Eva Kolstad som NKF-leiar i 1968 og sat i vervet til 1972. Ho var også styremedlem i International Alliance of Women frå 1967 til 1973.[5] Frå 1971 var ho sentralstyremedlem i Europarørsla, der tidlegare utanriksminister Svenn Stray var leiar.[6]
Ottesen blei i 1939 gift med cand.oecon. Kjell Ottesen, son av Immanuel Ottesen. Dei blei skilde i 1947, men ho heldt på etternamnet.[7][8][9]
Kjelder
endre- ↑ Gravferdsetaten i Oslo kommune
- ↑ «En uredd Oslo-kvinne som ny FN-ekspert til Øst-Pakistan». Dagbladet. 20. oktober 1962. s. 11.
- ↑ «Forslag om å innby kvinner fra U-land til korte opphold i Norge». Aftenposten. 4. november 1968. s. 7.
- ↑ Eva Kolstad, Karen Sofie Brynnildsen (2. juni 1997). «Clara Ottesen (nekrolog)». Aftenposten. s. 11.
- ↑ Elisabeth Lønnå: Stolthet og kvinnekamp: Norsk kvinnesaksforenings historie fra 1913, Gyldendal Norsk Forlag, 1996, ISBN 8205244952
- ↑ «Stray formann for Europabevegelsen». Aftenposten. 1. april 1971. s. 3.
- ↑ Norsk Lysingsblad. 25. mai 1939.
- ↑ Studentene fra 1931. Bokkomiteen for studentene fra 1931. 1956. s. 291–292.
- ↑ Studentene fra 1928. 1953. s. 272.
- Denne artikkelen bygger på «Clara Ottesen» frå Wikipedia på bokmål, den 25. mars 2023.