Clutha District
Clutha District er eit administrativt distrikt i regionen Otago på Sørøya på New Zealand. Administrasjonssenteret held til i byen Balclutha. Clutha District har ei flatevidde på 6 362,86 km², og ved folketeljinga i 2006 var folketalet 16 839. Clutha District dekkjer det meste av området som er kjent som South Otago.
| Clutha District | |||
| distrikt | |||
 Tokomairiro presbyterianske kyrkje i Milton
| |||
| Land |  New Zealand
| ||
|---|---|---|---|
| Region | Otago | ||
| Areal | 6 362,86 km² | ||
| Folketal | 17 400 (2009[1]) | ||
 Clutha District 46°05′S 169°33′E / 46.09°S 169.55°E | |||
 Kart som viser Clutha District.
| |||
| Wikimedia Commons: Clutha District | |||
Geografi
endre
Landskapet i Clutha District er dominert av dalen som Clutha-elva renn gjennom; han går søraust frå innsjøane i Central Otago, deler Clutha District i to og renn ut i Stillehavet ikkje langt frå Kaitangata. Sør for denne ligg det ulendte landskapet i The Catlins, med skogar og oppreven kystlinje. Nord for Clutha valley er det for det meste bølgjande bakkelandskap, med elvesletta til Tokomairiroelva i nordaust, saman med Waiholasjøen og Waiporisjøen, som er ein del av nedslagsfeltet til Taieri-elva. Waiporielva, som er den største tilførsleelva til Taieri, dannar den nordaustlege grensa til Clutha District.
Administrasjon
endre
Clutha District er administrert av Clutha District Council, som har sete i Balclutha. På regionalt nivå er administrasjonen underlagt Otago Regional Council, med sete i Dunedin.
Clutha District var tidlegare samansett av tre skilde county, Clutha, Bruce og Tuapeka, og to boroughs, Balclutha og Milton. Desse vart slegne saman til eit distrikt i 1989 i samband med den nasjonale reorganiseringa av lokalstyret.
Bruce, eit område kring Milton, med tillegg av Tokomairiro Plains, hadde ei flatevidde på 1 357 km². Det omfatta busetnadane Waihola, Milburn og Waitahuna. Clutha, som omfatta elvedeltaet til Clutha River, og som strekte seg sørover til Catlinskysten, hadde an ei flatevidde på 2 664.5 km². Det omfatta busetnadane Kaitangata, Stirling, Owaka og Benhar. Resten av området, Tuapeka, låg kring Lawrence, omfatta dalane innover i landet frå Clutha River og tilførsleelvene, Pomahaka River og Tuapeka River. Det hadde ei flatevidde på 2 323 km².
Innbyggjarar
endreFor statistiske føremål er dei tidlegare inndelingane til Bruce, Clutha og Tuapeka County enno i bruk av Statistics New Zealand, som brukar dei tidlegare grensene til Balclutha og Milton Boroughs. Ved folketeljinga i 2006 var folketalet i dei tre tidlegare counties høvesvis 2 658, 3 255 og 1 761.
Den mest folkerike byen i Clutha District er Balclutha, som ligg 81 km sør for Dunedin. Balclutha hadde ved folketeljinga i 2006 4 062innbyggjarar (attende frå 4 137 i 1996). Andre byar og tettstadar er Milton (pop. 1 887), Kaitangata (pop. 810), Tapanui (pop. 744), Lawrence (pop. 432), Owaka (pop. 327), Stirling (pop. 309), Clinton (pop. 291), Kaka Point (pop. 201) og Benhar (pop. 96). I ein periode på 1980-talet var Balclutha den mest velståande byen på New Zealand, rekna per innbyggjar.
Dialekt
endreEin kan skilja innbyggjarane i Clutha District og i regionen Southland frå andre newzealendarar på at dei brukar rulle-r. Dette er ein rest frå den gæliske avstamminga hos mange av nybyggjarane her, som kom frå Skottland og Irland.
Kjelder
endre- Denne artikkelen bygger på «Clutha District» frå Wikipedia på engelsk, og «Clutha-Distrikt» frå Wikipedia på tysk den 25. april 2010.