Dag Inge Ulstein
Dag Inge Ulstein (fødd 4. desember 1980) er ein norsk politikar og fungerande leiar for Kristeleg Folkeparti sidan 22. august 2024.[1] Han var utviklingsminister i regjeringa Solberg frå 22. januar 2019 til 14. oktober 2021.[2][3]
| Dag Inge Ulstein | |||
.jpg) | |||
| Fødd | 4. desember 1980 (44 år) Sula | ||
|---|---|---|---|
| Statsborgar av | Noreg | ||
| Parti | Kristeleg Folkeparti | ||
| Yrke | politikar | ||
| Utdanna ved | Universitetet i Bergen | ||
| Verv | Norsk utviklingsminister 22. januar 2019–14. oktober 2021 | ||
| Føregangar | Nikolai Astrup | ||
| Etterfylgjar | Anne Beathe Tvinnereim | ||
| Alle verv |
| ||
Liv og virke
endreUlstein kjem frå Sula, men har sin politiske karriere i Bergen. Her var han medlem av bystyret 2011–2019. Han var byråd for sosial, bustad og områdesatsing i Bergen 2013–2014 i byrådssamarbeid med Høgre og Framstegspartiet. I perioden mellom 2015 og 2018 var han finansbyråd i Bergen i byrådssamarbeid med Arbeidarpartiet og Venstre. Ulstein har ein bachelorgrad i arbeids- og organisasjonspsykologi frå Universitetet i Bergen og ein bachelorgrad i teologi frå Norsk Lærerakademi. Han er utdanna familieterapeut og har arbeidd i stiftelsen Bergen diakonissehjem.
I debatten om vegvalet til Kristelig Folkeparti hausten 2018, stod Ulstein på den såkalla «raude» sida. Dette gjorde det overraskande at han vart utnemnd til statsråd i den utvida Solberg-regjeringa.[4]
Ulstein har vore vokalist i den kristne popgruppa Elevate[5] og i elektronikabandet Electric City.[6]
Kjelder
endre- ↑ NTB. «Dag-Inge Ulstein overtar som midlertidig KrF-leder» (på norsk bokmål). Bergens Tidende. Henta 23. august 2024.
- ↑ «Dag Inge Ulstein». Stortinget.no.
- ↑ «Endringar i regjeringa». Regjeringa.no. 22. januar 2019. Henta 27. januar 2019.
- ↑ «Dag Inge Ulstein». Store norske leksikon. 23. januar 2019. Henta 25. januar 2019.
- ↑ «Elevate-konsert på LUS». Sambåndet. 28. juli 2004. Henta 27. januar 2019.
- ↑ «Byråd med elektronika-hit på P3». NRK. 27. juni 2013. Henta 27. januar 2019.
