Daniel og Miguel Falcon Græsdal
Daniel og Miguel Falcon Græsdal (fødd 5. juli 1995 i Græsdal) er to norske trekkspelarar frå Skodje i Møre og Romsdal. Tvillingane er kjende for å spele duett. I 2010 vann dei NM-gull i klassen for duettar i trekkspel (til og med 15 år), då dei oppnådde fleire poeng enn konkurrentane sine (105). Noregsmeisterskapet vart halde i Mo i Rana.[1] Året før vann dei NM-sølv i Orkdal (også til og med 15 år),[2] og i 2012 vann dei bronse i Namsos (frå og med 15 år). Saman med Ørskog Trekkspelorkesters gammeldansgruppe fekk dei bronse i 2011 i Skien.[3]
| Daniel og Miguel Falcon Græsdal | |||
 Frå Trekkspelparade på Akershus Festning, 19. september 2010 | |||
| Aktiv | 2002– | ||
|---|---|---|---|
| Instrument | Trekkspel | ||
| Verka som | Musikarar | ||
Duoen byrja å spele då dei var sju år gamle og held på framleis. Kvart år deltek dei på Distriktsmeisterskap og Noregsmeisterskap i trekkspel. Distriktsmeisterskapa har dei vunne fleire gongar, både som solistar og duo. Brørne spelar også for Ørskog Trekkspillorkester som dei har gitt ut plate med. Deira store draum er å vidareutvikle seg til dei er på eit høgt nivå, der dei kan bruke trekkspelet aktivt, til dømes til å undervise, delta på konsertar eller til dei kan halde eigne konsertar.[4]
Kjelder
endre- ↑ NRK Møre og Romsdal (4. juli 2010): Tvillingar (14) vann NM-gull, henta 9. januar 2013
- ↑ Kulturkalender.no (19. september 2010): Norsk trekkspillparade på Akershus festning, henta 9. januar 2013
- ↑ Trekkspillforbundet.no (3. juli 2011): Resultater fra NM i trekkspill 2011 Arkivert 2012-07-31 ved Wayback Machine., henta 8. januar 2013
- ↑ Drømmestripendet.no (2012): Miguel og Daniel Falcon Græsdal, henta 6. januar 2013