Det kvite huset i Washington, D.C.

boligen til presidenten i sambandsstatane

Det kvite huset (engelsk White House) er presidenten i USA sin embetsbustad, og viktigaste arbeidsstad. Namnet vert nokre gonger nytta om presidenten sitt kanselli (administrasjon). Det kvite huset ligg i nordvest i Washington D.C., på gateadressa 1600 Pennsylvania Avenue. Bygging av huset vart vedteke i 1790 og president George Washington og byplanleggjaren Pierre L'Enfant valde byggjestaden saman. Arkitekten vart vald i ein konkurranse med James Hoban som vinnar, og grunnsteinen vart lagd den 13. oktober 1792. James Hoban si formgjeving av huset tok utgangspunkt i Leinster House, eit slott i Dublin. Slottet er seinare vorte hovudsete for parlamentet i den irske republikken. Namnet det kvite huset vart først nytta av president Theodore Roosevelt i 1901.

Det kvite huset i Washington, D.C.

ArkitektJames Hoban
Opna1. november 1800
Stilnyklassisistisk arkitektur
Kart
Det kvite huset
38°53′52″N 77°02′12″W / 38.897777777778°N 77.036666666667°W / 38.897777777778; -77.036666666667

Første gong ein president budde i huset var i 1800. I 1814, under 1812-krigen, brann huset så berre ytterveggane stod att, men huset vart atterreist og veggane vart måla kvite for å dekkja over merka etter brannen.

President Richard Nixon måtte i 1974 gå av etter Watergate-skandalen. Biletet syner presidentparet medan dei går mot helikopteretplenen utanfor det kvite huset

Frå 1949 til 1952 vart hust renovert av Harry S. Truman. Ein stor del av bygningsverket «Det kvite huset» er i dag under jorda. Komplekset inkluderer:

  • 132 rom
  • 35 baderom
  • 6 etasjar
  • 412 dører
  • 147 vindauge
  • 28 eldstader
  • 8 trapper
  • 3 heisar
  • ein tennisbane
  • ein bowlingbane
  • ein kinosal
  • ein løpebane
  • eit symjebasseng

Bakgrunnsstoff endre

  Commons har multimedium som gjeld: Det kvite huset i Washington, D.C.