Dirk Wears White Sox

Dirk Wears White Sox
Studioalbum av Adam and the Ants
Språk engelsk
Utgjeve 30. november 1979
Innspelt 12–24. august 1979
Studio Sound Development Studios i London
Sjanger Postpunk
Lengd 40:39
Selskap Do It
Produsent Adam Ant
Adam and the Ants-kronologi 
Dirk Wears White Sox Kings of the Wild Frontier
(1980)


Dirk Wears White Sox er det første studioalbumet til det engelske new wave-bandet Adam and the Ants. Det kom ut 30. november 1979 på Do It. Det var det første albumet som nådde toppen av UK Independent Albums Chart då det debuterte på lista i Record Week i 1980.[1]

Bakgrunn endre

Dirk Wears White Sox vart laga med ei tidleg besetning av Adam and the Ants, som vart oppløyst etter at albumet vart gjeve ut. Gitaristen Matthew Ashman og trommeslagar David Barbarossa gjekk saman og danna Bow Wow Wow med den dåverande Ants-bassisten Leigh Gorman (som berre spelte ein spelejobb med Ants og ikkje var involvert på nokre studioinnspelingar). Den originale bassisten Andy Warren hadde dratt kort tid etter innspelinga av albumet for å bli med den tidlegare Ants-gitaristen Lester Square i The Monochrome Set. Mange av songane, spesielt «Cleopatra» og «Never Trust a Man (With Egg on his Face)», vart verande ein del av Adam Ants sitt liverepertoar gjennom heile karrieren, både med The Ants og seinare som soloartist.

Albumtittelen refererer til det klassiske britiske filmikonet Dirk Bogarde.[2]

Produksjon endre

Albumet vart spelt inn 12.–24. august 1979 i Sound Development Studios i London og miksa 25.–29. august.[3] All instrumentering og guide-vokal vart fullført i løpet av dei tre første dagane. Av dei fjorten spora som vart spelt inn, gjekk ikkje tre - «Friends», «Kick» og «Physical» - vidare frå dette stadiet, sjølv om «Physical» i løyndom vart gjeven ut på B-sida av 2000 eksemplar av singelen «Zerox» i juli 1980.[4] Resten av øktene vart nytta til innspeling av ferdige hovud- og korvokal av Ant for dei elleve utgjevne spora.

Fem spor frå albumet, «Day I Met God», «Cleopatra», «Catholic Day», «Never Trust A Man (With Egg On His Face)» og «Family of Noise» - pluss alle dei tre avviste spora - hadde tidlegare vorte spelt inn i 1978 for The Ants sitt første plateselskap Decca Records - «Kick» i RAK Studios i Chalbert Street i London, produsert av Snips, dei sju andre i Decca sitt eige studio i Broadhurst Gardens i West Hampstead, produsert av Ant sjølv.[5] Før dette vart alle songane på det utgjevne albumet unntatt «Digital Tenderness», «Nine Plan Failed» og «Cleopatra» spelt inn på 4-spor av Ant heime i Notting Hill Gate 25.–27. juli 1978.«Kleopatra» og «Physical» var på liknande vis blitt spelt inn av Ant i heimen i Chelsea, 20. november 1977.[5]

Musikalsk stil endre

Ants-biografen James Maw skriv i boka si frå 1981 The Official Adam Ant Story at Ant ønskte å laga «eit stilig album med alle kvalitetane frå soul og funk[6] Ant stadfesta i eit intervju frå 2014 for Classic Pop at albumet var «meg som prøvde å laga ei Donna Summer-plate... Eg veit at det ikkje høyrest slik ut, men sjekk ut Dave (Barbe) si tromming.»[7]

Mojo-skribenten Danny Eccleston klassifiserer Dirk Wears White Sox som eit postpunk-album.[8] Chris Woodstra frå AllMusic skildra stilen på albumet som ei «nokon gangar vanskeleg blanding av punk, glam og minimalistisk post-punk med bisarre bilete og urovekkande historiar om framandgjering, sex og brutalitet.»[9] Peter Parrish frå Stylus Magazine skreiv at «Dirk glir ein stad mellom The Banshees sitt Scream og Gang of Four sitt Entertainment. Alle skarpe, kantete og sprø.»[10]

Albumet har vorte sitert som ein innverknad på den gryande gothic rock-scena. Andi frå Sex Gang Children og John Robb refererte til plata i ein del av British Library sin Goth: The Scene That Wouldn't Die i 2014.

Utgjevingar endre

Dirk Wears White Sox vart gjeve ut 30. november 1979 av Do It Records.[11] Dei tre unytta opptaka vart seinare gjevne ut i 1982 som 7"-EP-en The B-Sides og dessutan ein 112"-EP, The Antmusic EP som òg inneheldt ein remiks av «Cartrouble (Parts 1 og 2)».

Albumet vart gjeve ut på nytt i 1983, med eit anna albumomslag henta frå ein video frå desember 1979 for songen «Zerox». «Catholic Day» og «Day I Met God» vart droppa og «Cartrouble pt. 1 og 2» vart erstatta av «Cartrouble» i singelversjonen sin og B-sida, frå singelen, ei nyinnspeling av «Kick!» som inneheldt heilt anna tekst enn den avviste albumversjonen og med Jon Moss på trommer (som seinare vart med i Culture Club). Denne utgåva legg òg til to andre songar frå same epoke som ikkje er på den originale LP-en: begge sider av «Zerox»/«Whip in My Valise»-singelen.

Albumet vart gjeve ut på nytt i 1995 av Sony, med den originale svart-kvitt-albumgrafikken i noko skoren form og med dei droppa songane attende som bonusspor på slutten. Bokstavane på omslaget vart attskapte i stil med originalen og har ikkje streken gjennom bokstaven O i ordet «Sox»; han erstattar òg ein bokstav «Z» i staden for den sikksakka «S-en» i ordet «Ants» (tidlegare ein vanleg praksis blant uoffisielle seljarar rundt tidspunktet for den opphavlege utgjevinga til albumet). Seinare trykking av 1995-utgåva erstatta Antmusic EP-remiksen av «Cartrouble (Parts 1 og 2)» i staden for singelversjonen av «Cartrouble». .

Albumet vart ommastra og gjeve ut på nytt i 2004 med den originale sporlista retta opp igjen og singlane/EP-songane som bonusspor.

Ei kvit vinylutgåve vart gjeve ut av Ant sitt eige plateselskap Blueblack Hussar Records våren 2014. I samband med dette framførte Ant 19. april heile albumet på Hammersmith Apollo med eit band som inkludert dei tidlegare Ants-medlemmane David Barbarossa og Leigh Gorman, før dette med fleire turnédatoar i Storbritannia. Ein lanseringfest for det kvite vinylalbumet vart halde på 100 Club. Begge London-konsertane vart filma og seinare gjevne ut som DVD-albumet Dirk Live at the Apollo . Ant framførte så heile albumet igjen med det vanlege bandet sitt fire kveldar i Islington Assembly Hall i november 2014 og ein full britisk turné våren 2015.

Mottaking endre

Meldingar
Karakter
KjeldeKarakter
AllMusic     [9]
The Rolling Stone Album Guide     [12]
Stylus MagazineB−[10]
Uncut     [13]

I ei melding av albumet for AllMusic skreiv Chris Woodstra at «medan dei noko pretensiøse, altfor kunstnariske tekstane og det uerfarne spelet er ein ulempe, tilbyr albumet eit fascinerande blikk på dei tidlege åra til The Ants, og fangar ein rå energi som seinare vart ofra for meir polering på følgjande utgjevingar.»[9] Peter Parrish gjennomgjekk ei nyutgjeving frå 2004 i Stylus Magazine, og kalla albumet for ei «ganske fantastisk plate av ujamne skjelvingar» og fann ut at det «høyrest mykje meir moderne ut enn seinare Ants-materiale.»[10] Uncut meinte òg at i motsetning til det følgjande albumet til bandet, høyrest Dirk Wears White Sox ut som om det vart laga førre veke.[13] Trouser Press var meir kritisk, og skildra vokalen til Ant som «trist» og «ubehageleg» og bandet som «dødt» og «alt for sakte». Men la merke til at 1983-versjonen er «langt betre» enn 1979-versjonen.[14]

Innhald endre

Alle songar er skrivne av Adam Ant.

Side A
Nr.TittelLengd
1.«Cartrouble (Parts 1 & 2)» 
2.«Digital Tenderness» 
3.«Nine Plan Failed» 
4.«Day I Met God» 
5.«Tabletalk» 
Side B
Nr.TittelLengd
1.«Cleopatra» 
2.«Catholic Day» 
3.«Never Trust a Man (With Egg on His Face)» 
4.«Animals and Men» 
5.«Family of Noise» 
6.«The Idea» 
1983-utgåva
Side A
Nr.TittelLengd
1.«Cartrouble»3:23
2.«Kick!»2:05
3.«Digital Tenderness»3:03
4.«Nine Plan Failed»3:10
5.«Family of Noise»2:34
6.«Tabletalk»5:33
Side B
Nr.TittelLengd
1.«Zerox»3:45
2.«Cleopatra»3:15
3.«Never Trust a Man (With Egg on His Face)»3:13
4.«Animals and Men»3:16
5.«The Idea»3:24
6.«Whip in My Valise»3:58
1995-utgåva
Nr.TittelLengd
1.«Cartrouble (Parts 1 & 2)»6.51
2.«Kick!»2:05
3.«Digital Tenderness»3:03
4.«Nine Plan Failed»3:10
5.«Family of Noise»2:34
6.«Tabletalk»5:33
7.«Zerox»3:45
8.«Cleopatra»3:15
9.«Never Trust a Man (With Egg on His Face)»3:13
10.«Animals and Men»3:16
11.«The Idea»3:24
12.«Whip in My Valise»3:58
13.«Catholic Day»3.08
14.«Day I Met God»2:58
2004-utgåva
Nr.TittelLengd
1.«Cartrouble (Parts 1 & 2)»6.51
2.«Digital Tenderness»3.03
3.«Nine Plan Failed»5.18
4.«Day I Met God»2:58
5.«Tabletalk»5.34
6.«Cleopatra»3.15
7.«Catholic Day»3.08
8.«Never Trust a Man (With Egg on His Face)»3.13
9.«Animals and Men»3.20
10.«Family of Noise»2.36
11.«The Idea»3.26
12.«Zerøx»3.48
13.«Whip in My Valise»4.00
14.«Kick!»1.36
15.«Physical»3.59
16.«Cartrouble (Parts 1 & 2)» (Hughes mix)6.36
17.«Friends»2.40
18.«Cartrouble» (Singel version)3.24
19.«Kick!» (Singel version)2.06

Medverkande endre

Adam and the Ants
Andre medverkande

Salslister endre

Liste (1980–81) Plassering
Britiske album (OCC)[15] 16
UK Independent Albums (Record Business)[16] 1

Salstrofé endre

Region Salstrofé Salstal
Storbritannia (BPI)[17] Gull 100 000^

^salstala er basert på sertifiseringa aleine
xuspesifserte tal er baserte på sertifiseringa aleine

Kjelder endre

  1. Katagiri, Charlie. «Adam Ant». Encyclopedia.com. Henta 5. mai 2022. 
  2. «Adam Ant: The King of Sexual Diversity». Ant Lib Ønline. 28. februar 2010. Arkivert frå originalen 5. november 2020. Henta 5. mai 2022. 
  3. Antcatalogue (insert booklet with Kings of the Wild Frontier album, CBS Records 1980, p11
  4. Adam and the Ants, Chris Welch, Star Books 1981
  5. 5,0 5,1 «Demos 1977-1979». Antmusic.simondaw.me.uk. Arkivert frå originalen 26. februar 2009. Henta 5. mai 2022. 
  6. Maw, James (1981). The Official Adam Ant Story. Futura Publications. ISBN 0708821235. 
  7. «Adam Ant interview». Classic Pop (9). February–March 2014. 
  8. Eccleston, Danny (24. mars 2014). «The Strange Wonder Of Pre-Pop Adam Ant». Mojo. Henta 6. november 2020. 
  9. 9,0 9,1 9,2 Woodstra, Chris. «Dirk Wears White Sox – Adam and the Ants». AllMusic. Henta 5. mai 2022. 
  10. 10,0 10,1 10,2 Parrish, Peter (28. juli 2004). «Adam & the Ants – Dirk Wears White Sox – Review». Stylus Magazine. Arkivert frå originalen 4. mars 2016. Henta 5. mai 2022. 
  11. «Dirk Wears White Sox». adam-ant.net. Henta 6. november 2020. 
  12. Sheffield, Rob (2004). «Adam and the Ants». I Brackett, Nathan; Hoard, Christian. The New Rolling Stone Album Guide (4th utg.). Simon & Schuster. s. 5–6. ISBN 0-7432-0169-8. 
  13. 13,0 13,1 «Adam and the Ants: Dirk Wears White Sox». Uncut (87): 114. August 2004. 
  14. Young, Jon; Lewis, Kate; Rompers, Terry. «Adam Ant». Trouser Press. Henta 28. august 2016. 
  15. "19810301 Top 40 Official Britiske album Archive | Official Charts". Den britiske albumlista. The Official Charts Company. Henta 6. november 2020.
  16. Lazell, Barry (1997). «Adam & the Ants». Indie Hits 1980–1989: The Complete U.K. Independent Charts (Singles & Albums). Cherry Red Books. ISBN 0-95172-069-4. Arkivert frå originalen 25. februar 2004. Henta 19. desember 2020. 
  17. «British album salstrofé – Adam Ant – Dirk Wears White Sox». British Phonographic Industry. Henta 6. november 2020.  Enter Dirk Wears White Sox in the field Search. Select Title in the field Search by. Select album in the field By Format. Click Go

Bakgrunnsstoff endre