Diyarbakır

Diyarbakır (osmansk-tyrkisk دیاربکر, Diyâr-ı Bekr; armensk Դիարբեքիր, Diarbeqir; kurdisk ئامه‌د, Amed; syrisk ܐܡܝܕ, Amid ) er ein av dei største byane søraust i Tyrkia. Han ligg ved breidda av elva Tigris og er det administrative senteret i provinsen Diyarbakır. Han har 843 460 innbyggjarar (2011), den nest største byen i Søraust-Anatolia etter Gaziantep.

Diyarbakır
Amed / Amid
by
Sentrum av Diyarbakır
Land	Tyrkia
Region	Søraust-Anatolia
Provins	Diyarbakır
Høgd	675 moh.
Koordinatar	37°55′ N 40°14′ E
Folketal	843 460
Borgarmeister	Osman Baydemir
Tidssone	EET (UTC+2)
- Sommartid	EEST (UTC+3)
Postnummer	21x xx
Retningsnummer	(0090)+ 412
Diyarbakır 37°54′39″ N 40°14′12″ E
Wikimedia Commons: Diyarbakır
Nettstad: [1]

Byen er eit handelssenter for eit rikt jordbruksoppland. Frå gammalt av kjend for sine kopar-, gull- og sølvsmedarbeid. Byen har hatt universitet sidan 1973. Det største turistmålet er den 5 km lange bymuren av svart basalt og med mange tårn. Av dei mange moskeane i byen er Uli Jami den viktigaste.

Historie

I antikken heitte Diyarbakır Amida og vart ein romersk koloni i år 230 evt. og seinare romersk hovudfestning ved øvre Tigris. Seinare vart byen omkjempa av austromarar, persarar, arabarar, kurdarar og fleire fram til han vart tyrkisk i 1515.

Klima

Diyarbakır har eit halvtørt klima. Somrane er særs varme og tørre, på grunn av nærleiken til den mespotamiske sletta der han får dei varme vindane frå ørkenane i Syria og Irak i sør. Varmerekorden i byen er 44,8°C den 28. august 1998. Vintrane er kalde og våte med frost om natta. Det er vanleg med snø mellom desember og mars, med snø ei veke og to om gangen. Kulderekorden er −23,4°C den 30. desember 2006.

Klimadata for Diyarbakır
Månad	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Normal maks. temp. °C	6.6	9.1	14.5	20.3	26.5	33.7	38.5	38.1	33.2	25.1	15.9	9.0	22,54
Normal min. temp. °C	-2.3	-1.1	2.4	6.8	11.0	16.8	21.6	20.8	15.7	10.0	3.5	-0.3	−2,3
Nedbør (mm)	63.4	68.2	67.8	64.3	38.7	9.3	0.9	0.8	6.0	32.6	53.2	69.7
% relativ fukt	75	72	67	65	59	43	31	31	35	51	69	75	56,1
Normal mengd regndagar	12	12	11	11	9	3	0	0	1	6	9	11	85
Normale månadlege solskinstimar	120.9	134.4	173.6	207.0	300.7	366.0	387.5	362.7	297.0	229.4	162.0	117.8	2 859
Kjelde nr. 1: Devlet Meteoroloji İşleri Genel Müdürlüğü [2]
Kjelde nr. 2: Weatherbase

Kjelder

• Denne artikkelen bygger på «Diyarbakır» frå Wikipedia på engelsk, den 22. august 2012.
  • Wikipedia på engelsk oppgav desse kjeldene:

Bakgrunnsstoff

Wikimedia Commons har multimedia som gjeld: Diyarbakır

• Diyarbakır-guvernøren Arkivert 2008-11-01 ved Wayback Machine.
• Diyarbakır kommune Arkivert 2006-05-12 ved Wayback Machine.