Donna Godchaux

Donna Jean (Thatcher) Godchaux-MacKay (fødd 22. august 1947) er ein USA-amerikansk songar, mest kjend som medlem av Grateful Dead frå 1972 fram til 1979.

Donna Jean Godchaux
Godchaux med bandet sitt i 2009.
Fødd	22. august 1947 (77 år)
Fødestad	Florence i Alabama USA
Fødenamn	Donna Jean Thatcher
Opphav	USA
Aktiv	1972 til i dag
Sjanger	rock, folkrock
Instrument	vokal
Tilknytte artistar	Grateful Dead Jerry Garcia Band Heart of Gold Band Donna Jean Godchaux Band
Verka som	Musikar, låtskrivar
Gift med	Keith Godchaux

Biografi

Donna Jean Thatcher vart fødd i Florence i Alabama. Før 1970 arbeidde ho som studiomusikar i Muscle Shoals i Alabama, og song etter kvart med ei gruppe kalla Southern Comfort og song korvokal på minst to hittar som nådde toppen av den amerikanske singellista: «When a Man Loves a Woman» av Percy Sledge i 1966 og «Suspicious Minds» av Elvis Presley i 1969. Vokalen hennar finst òg på klassiske innspelingar av Boz Scaggs og Duane Allman, Cher, Joe Tex, Neil Diamond og mange andre. Ho flytta så til California der ho møtte det framtidige Grateful Dead-medlemmet Keith Godchaux, som ho gifta seg med i 1970.

Donna introduserte Keith til Jerry Garcia etter Garcia spelte i Keystone Korner i San Francisco i september 1971. På dene tida arbeidde ikkje Donna Jean so musikar. Ho vart med i bandet kort tid etter og vart verande der til februar 1979.

Donna Jean song kor- og solovokal i gruppa. I tida med Grateful Dead gav paret òg ut albumet Keith & Donna i 1975 med Jerry Garcia som eit medlem i Keith and Donna Band. Til gjengjeld spelte dei i Jerry Garcia Band.

Sonen til Keith og Donna, Zion «Rock» Godchaux frå BoomBox, vart fødd i 1974. Etter Grateful Dead starta paret Heart of Gold Band.

Donna spelte ikkje igjen med nokre av bandmedlemmane i Grateful Dead før Jerry Garcia døydde. Kort tid etter ektemannen døydde i 1980, vart Donna Jean religiøs. Ho gifta seg med bassisten David MacKay (tidlegare Fiddleworms-medlem og bassist for Donna Jean Godchaux Band) og paret flytta til barndomsbyen Florence i Alabama, for å spele i Muscle Shoals Sound Studios.

I 2009 danna Donna Jean eit nytt band, The Donna Jean Godchaux Band, med Jeff Mattson (frå Phil Lesh and Friends, Zen Tricksters og Dark Star Orchestra), etter å ha kome inn att i musikkmiljøet med Mattson og Mookie Siegel (frå David Nelson Band, Phil Lesh and Friends og Ratdog) og danna Kettle Joe's Psychedelic Swamp Revue, seinare kjend som Donna Jean & the Tricksters. Ho har stundom vore gjesteartist for Bob Weir & RatDog, Zero & Steve Kimock, New Riders of the Purple Sage, Dark Star Orchestra og Dead & Company.

I 1994 vart Donna Jean innlemmma i Rock and Roll Hall of Fame som medlem av Grateful Dead. Ho bur i Killen i Alabama og er framleis aktivt medlem i musikkmiljøet i Muscle Shoals når ho ikkje turnerer med Donna Jean Godchaux Band med Jeff Mattson.

Diskografi

Som leiar og medleiar

Donna Jean Godchaux in 2008

• Keith & Donna – Keith and Donna Godchaux – 1975
• Playing in the Heart of Gold Band – The Ghosts – 1984
• The Heart of Gold Band – The Heart of Gold Band – 1986
• Donna Jean – The Donna Jean Band – 1998
• At the Table – The Heart of Gold Band – 2004
• Donna Jean and the Tricksters – Donna Jean and the Tricksters – 2008
• Back Around – Donna Jean Godchaux Band med Jeff Mattson – 2014

Med Grateful Dead

Donna Godchaux var medlem av Grateful Dead frå 1972 til 1979 og deltok på mange av albuma til bandet.

Med andre artistar

Donna Godchaux (fødd Donna Thatcher) har medverka med kor- og solovokal på mange album av forskjellige artistar.

Singlar

• «When a Man Loves a Woman» / «Love Me Like You Mean It» – Percy Sledge – 1966
• «Suspicious Minds» / «You'll Think of Me» – Elvis Presley – 1969

Videoar

• Muscle Shoals – forskjellige artistar – 2013
• Move Me Brightly – forskjellige artistar – 2013

Album

• From Elvis in Memphis – Elvis Presley – 1969
• From Memphis to Vegas/From Vegas to Memphis – Elvis Presley – 1969
• 3614 Jackson Highway – Cher – 1969
• Boz Scaggs – Boz Scaggs – 1969
• Ton-Ton Macoute! – Johnny Jenkins – 1970
• Ace – Bob Weir – 1972
• Demon in Disguise – David Bromberg – 1972
• Gypsy Cowboy – New Riders of the Purple Sage – 1972
• The Adventures of Panama Red – New Riders of the Purple Sage – 1973
• Tales of the Great Rum Runners – Robert Hunter – 1974
• Tiger Rose – Robert Hunter – 1975
• Reflections – Jerry Garcia – 1976
• Cats Under the Stars – Jerry Garcia Band – 1977
• Here Goes Nothing – Zero – 1987
• Laughing Water – Jazz Is Dead – 1999
• Don't Let Go – Jerry Garcia Band – 2001
• Worcester, MA, 4/4/73 – New Riders of the Purple Sage – 2003
• Pure Jerry: Theatre 1839, San Francisco, July 29 & 30, 1977 – Jerry Garcia Band – 2004
• Pure Jerry: Warner Theatre, 18. mars 1978 – Jerry Garcia Band – 2005
• For Rex: The Black Tie Dye Ball – The Zen Tricksters and forskjellige artistar – 2006
• Pure Jerry: Bay Area 1978 – Jerry Garcia Band – 2009
• Garcia Live Volume Four – Jerry Garcia Band – 2014
• Garcia Live Volume Seven – Jerry Garcia Band – 2016

Kjelder

• Denne artikkelen bygger på «Donna Godchaux» frå Wikipedia på engelsk, den 30. desember 2016.
  • Wikipedia på engelsk oppgav desse kjeldene:

Bakgrunnsstoff

• Donna Jean Godchaux Band med Jeff Mattson - offisiell nettside Arkivert 2022-03-31 ved Wayback Machine.
• Grateful Dead
• The Music Never Stopped: The Musical Journey of Donna Jean Godcheaux-McKay