York

York er ein by nord i England. Han har 183 128 innbyggjarar (2003). Byen er kjend for å ha mange bevarte historiske byggverk, mellom anna ein nokså fullstendig bymur. Han var hovudstad i vikingkongedømet Jorvik.

York
Flyfoto av York, med York Minster i midten Flyfoto av York, med York Minster i midten
Byvåpenet til York
Byvåpenet til York
Kallenamn «Capital of the North»
Motto «Let the Banner of York Fly High»
Plassering
Styresmakter
Land	Storbritannia
Konstituerande land	England
Grevskap	North Yorkshire
Distrikt	Sameint styresmakt
Grunnlagd	som Eboracum kring 71 evt.
Geografi
Flatevidd  - By	271,94 km²
Koordinatar	53°57′30″N 1°4′49″W
Diverse annan informasjon
Postnummer	YO
Telefon-retningsnummer	01904
Nettstad: www.york.gov.uk
Commons har multimedium som gjeld: York

Byen ligg på møtepunktet mellom elvane Ouse og Foss. York har tradisjonelt vore hovudbyen i grevskapet Yorkshire. Han er i dag ei sameint styresmakt i det seremonielle grevskapet North Yorkshire.

Frå mellomaldergata The Shambles i York.

Clifford Tower.

Historie

Byen blei grunnlagd som eit romersk fort i år 71. Som Eboracum blei det ein viktig militærbase, og to romerske keisarar døydde her: Septimius Severus i 211 og Constantius Chlorus i 306.

Etter at romarane trekte seg tilbake blei staden brukt som handelshamn av angelsaksarane, og kalla Eoforwic. Men i november 866 blei han teken av ein "stor vikinghær", fortel angelsaksiske krønikeskrivarar. Vikingane gjorde han til hovudstaden i eit stort kongerike kalla Jorvik, og byen blomstra.

I 954 blei den siste vikingkongen, Eirik Blodøks, utvist frå riket, og det blei innlemma i den nylaga angelsaksiske staten. Men ein kan fortsatt sjå spor etter dei norrøne innbyggjarane, som i namna på gatene, som gjerne heiter noko med "gate", til dømes Micklegate ('Storgata').

Verdt å sjå

York har fleire gamle bygg, som Clifford Tower, eit forsvarstårn på ein bakketopp, og York Minster, som er den største mellomalderdomkyrkja i England. Saman med bymuren og dei bevarte mellomaldergatene gjer desse byen til eit trekkplaster for turistar. I tillegg har York eit rikt gateliv, som organiserte turar med spøkjelsesforteljingar og diverse gateunderhaldning.

Det ligg òg mange museum i byen, mellom anna Yorkshire Museum, jarnbanemuséet National Railway Museum, skrekkmuséet York Dungeon, og vikingmuséet Jorvik Viking Centre.

Kjelder

• nb:York
• en:York
• en:Jorvik
• http://www.york.ac.uk/inst/cms/centre/about.htm Arkivert 2005-10-31 ved Wayback Machine.

Bakgrunnsstoff

• Imagine York: Historic Photographs
• Virtual Tour of York Arkivert 2016-01-28 ved Wayback Machine. - Panoramabilete frå 2000 til i dag
• Bilete frå York. Arkivert 2012-11-04 ved Wayback Machine.