Edgar Stakset

Edgar Stakset (fødd 30. april 1937) er ein tidlegare fotballspelar frå Steinkjer, fødd i Namdalseid. Åra 1960-67 spelte han 26 landskampar for Noreg. Stakset var «en friskus, spiller hardt og kontant». Han var oftast midtstoppar, men spelte òg sideback.

Edgar Stakset
Statsborgarskap	Noreg
Fødd	30. april 1937 (87 år) Steinkjer kommune
Idrett	fotball

Karriere

Klubbspel

Stakset fekk sin debut på Steinkjer Idretts- & fotballklubb i 1954. Sommaren 1956 rykte laget opp i Hovudserien, to år seinare gjekk laget ned att i landsdelsserien. I 1961 fekk Steinkjer plass i den såkalla maratonserien: 1. divisjon 1961–62. Her enda Steinkjer på andreplass, berre seriemeisteren Brann sanka fleire poeng. Allereie hausten 1963 rykte Steinkjer ned i 2. divisjon. Sidan vart Stakset verande andredivisjons-spelar til 1971. Åra 1972 og 1973 var han spelande trenar for 4. divisjonslaget Beitstad. Han la opp etter å ha spela i steinkjerdrakt i 1974-sesongen.

Landslagsspel

Stakset debuterte 28. august 1960 mot Finland. I 1963 var han med å vinne over Skottland på Brann stadion, og å tape 0–9 mot Polen i Stettin. Han gjorde ein av sine aller beste kampar då Noreg 16. juni 1965 slo Jugoslavia med 3–0 i VM-kvalifiseringskamp på Ullevål stadion. Stakset og landslagssjef Willi Kment gjekk ikkje overeins, så trass i gode landskampar fekk Stakset ikkje landslagsoppdrag etter 1967.

Merittar

• Sølvplass i 1. divisjon: 1961/62 med Steinkjer IFK

Kjelder

• Magnus Breili: Fotballboken, 1967.
• eu-football