Eduard Suess

Eduard Suess (fødd 20. august 1831 i London i Storbritannia, død 26. april 1914 i Wien i Austerrike) var ein austerriksk geolog, paleontolog og politikar på 1800-talet. Han er særleg kjent som ekspert på den tektoniske oppbygginga av Alpane. Frå 1857 til 1901 var han geologisk professor i Wien.

Eduard Suess
Fødd	20. august 1831 London
Død	26. april 1914 Wien
Nasjonalitet	Keisardømet Austerrike, Cisleithania
Område	geologi
Yrke	paleontolog, politikar, universitetslærar, geolog
Institusjonar	Universitetet i Wien
Alma mater	Technische Universität Wien
Barn	Franz Eduard Suess
Medlem	Royal Society Kungliga Vetenskapsakademien Det bayerske vitskapsakademiet Göttingens vitenskapsakademi National Academy of Sciences Det austerrikske vitskapsakademiet Det russiske vitskapsakademiet Det prøyssiske vitskapsakademiet Kungliga Fysiografiska Sällskapet i Lund Accademia delle Scienze di Torino Det franske vitskapsakademiet Det franske vitskapsakademiet

Han gav ut fleire viktige geologiske verk, som Die Entstehung der Alpen (1875) og hovudverket Das Antlitz der Erde (3 bind, 1885–1909), som gjev ei samanfatting av dei geologiske forskingsresultata på denne tida.

Dei viktigaste oppdagingane hans var det forhistoriske kontinentet Gondwanaland og Tethyshavet.

Suessbreen i Antarktis og eit krater på Månen og eit på Mars er kalla opp etter han.

Prisar (utval)

• 1903 – Copleymedaljen

Kjelder

• Delar av denne artikkelen bygger på «Eduard Suess» frå Wikipedia på bokmål, den 8. mai 2010.

«Eduard_Suess» i Store norske leksikon, snl.no.