Eli Kari Gjengedal
Eli Kari Gjengedal (fødd 24. mars 1971 i Leikanger) er ein norsk forfattar og akvaingeniør. Ho er kanskje mest kjend som tidlegare vêrpresentatør i StormGeo med ein sterk nynorsk profil, der ho mellom anna presenterte vêret på TV 2 frå 2000 til 2012. I tillegg har ho i kortare periodar vore programleiar på kanalen.
| Eli Kari Gjengedal | |
 | |
| Statsborgarskap | Noreg |
| Fødd | 24. mars 1971 (53 år) Leikanger kommune |
| Yrke | skribent, programleiar, ingeniør, bartender |
| Eli Kari Gjengedal på Commons | |
Eli Kari Gjengedal er utdanna som akvaingeniør og har i tida før jobben i fjernsyn arbeidd som servitør, bartendar og hovmeistar. I 1999 tok ho bartendarprøven og har fleire gonger delteke i NM i cocktailmiksing. Denne kunnskapen nytta ho i den første boka si, Cocktail - 44 vegar til fin bris frå 2005 på Skald forlag, med oppskrifter på drinkar og soger frå utelivsbransjen.
I 2007 gav ho ut den nynorske barneboka Karl Oscar i hardt vêr, illustrert av Ingunn Elida Wiken, om katten Karl Oskar som brukar eitt år på å finne heim att, i all slags vêr, etter å ha kome bort frå familien på sommarferie. Samstundes forklarar ho dei ulike vêrfenomena som Karl Oscar vert råka av på ein enkel måte for born.
Ho er òg kjend for å ha sunge ei heil vêrmelding som eit reklamestunt på TV 2 i 2009. Klippet vart sett av over 150 000 på nettsida. 11. november 2011 hadde ho på seg ein romdrakt frå VilVite-senteret i Bergen, medan ho presenterte vêret.[1]
Bøker
endre- 2005 – Cocktail : 44 vegar til fin bris (Leikanger: Skald forlag). ISBN 82-7959-050-1 I fulltekst ved nb.no
- 2007 – Karl Oscar i hardt vêr (Leikanger: Skald). ISBN 978-82-7959-108-5
- 2010 – Værtegn i Norge : over 450 varsler og tegn fra hele landet (Oslo: Kagge Forlag). ISBN 978-82-489-0983-5
- 2011 – Moro med vær (Oslo: Kagge Forlag). ISBN 978-82-489-1112-8
- 2012 – Vanvittig moro med vann (Oslo: Kagge Forlag). ISBN 978-82-489-1217-0
- 2021 – 48 - ein overgang : dikt (Bergen: Kapabel forlag). ISBN 9788281632592 [Foto Ronald Toppe]
Kjelder
endre- ↑ Prestegården, Håvard (11. november 2011), «Meldte været i romdrakt», Bergensavisen (på norsk), henta 23. mai 2022
- Om Eli Kari Gjengedal i Allkunne Arkivert 2018-09-13 ved Wayback Machine.
- Denne artikkelen bygger på «Eli Kari Gjengedal» frå Wikipedia på bokmål, den 21. februar 2017.
Bakgrunnsstoff
endre- Meldte været i romdrakt, ba.no