Elias Hetting

Elias Frederik Hetting (3. juni 1769–27. oktober 1826) var ein norsk embetsmann og stortingsmann.

Elias Hetting
Fødd	3. juni 1769 Holt
Død	27. oktober 1826 (57 år) Fosnes
Yrke	politikar

Hetting var fødd i Holt i Aust-Agder, faren var forvaltar ved Nes Jarnverk. Sjølv tok han norsk juridisk eksamen i 1790, og vart året etter fullmektig hos sorenskrivaren i Ryfylke. Han var fungerande sorenskrivar i Ryfylke 1797-1800, deretter sorenskrivar i Aust- og Vest-Finnmark 1800-05. Frå 1805 og til han døydde var han sorenskrivar i Namdalen.

Hetting var 3. representant frå Nordre Trondhjems amt på Stortinget 1815-16. Han var medlem av 14 komitear, der i mellom justiskomiteen, handelskomiteen, om kjøpstadprivilegiar, om kjøpstad i Grimstad og om rikshospital.

Han døydde i Fosnes i 1826.

Kjelder

• Lindstøl, Tallak:Stortinget og Statsraadet 1814-1914. Kristiania, 1914
• Biografisk informasjon om Elias Hetting NSD Norsk senter for forskningsdatas politikararkiv