Eliseus Müller

Eliseus Müller (20. februar 1878–21. oktober 1966) var ein norsk gardbrukar og politikar for Bondepartiet frå Verdal. Han var ordførar i Verdal 1929-34 og stortingsrepresentant 1932-45 frå Nord-Trøndelag. Peder Rygh var bestefar hans.

Eliseus Müller
Fødd	20. februar 1878 Verdal
Død	21. oktober 1966 (88 år)
Statsborgar av	Noreg
Parti	Senterpartiet
Yrke	politikar, bonde
Far	Martin Daniel Müller
Alle verv	stortingsrepresentant (1934–1936) vararepresentant til Stortinget (1925–1927) vararepresentant til Stortinget (1928–1930) vararepresentant til Stortinget (1931–1933) stortingsrepresentant (1937–1945)

Müller tok examen artium ved Trondhjems katedralskole i 1896 og gjekk vinterlandbruksskule i Trondheim 1897–98. I 1902 tok han over farsgarden, storgarden Vist på Stiklestad i Verdal. Han hadde ein framståande posisjon i heradet og var styreformann i Verdal Sparebank frå 1922, ordførar i Verdal herad 1929-34.

Stortingsperioden 1931-33 var Müller fyrste varamann frå Nord-Trøndelag. Då Ivar Kirkeby-Garstad i 1932–33 var statsråd i Hundseid-regjeringa møtte Müller fast på Stortinget. Dei neste to tingbolkane, 1934-36 og 1937-1945, hadde han fast plass på Tinget. I 1932-33 var han medlem i Sjøfarts- og fiskerikomiteen, 1934-36 sekretær i Helsekomiteen og 1937-45 medlem i same komiteen. Frå 1945 var han medlem av Noregs Bank sin representantskap.

Müller gav i 1965 ut skriftet Minner omkring familien Rygh på Haug i Verdal.

Kjelder

• Stortingsbiografi Arkivert 2017-11-15 ved Wayback Machine.