Erling Braut Haaland
Erling Braut Haaland[1] (fødd 21. juli 2000 i Leeds)[2] er ein norsk fotballspelar som speler for den engelske klubben Manchester City[3] og det norske landslaget.
| Erling Braut Haaland | |
|
| |
| Fødenamn | Erling Braut Håland |
| Statsborgarskap | Noreg |
| Fødd | 21. juli 2000 (24 år) Leeds |
| Idrett | fotball |
| Tok del i | 2019 UEFA European Under-21 Championship qualification Group 5 |
| Utmerkingar | Kniksens hederspris, Golden Boy, Aftenpostens Gullmedalje, DFB-Pokal, FIFPRO, Sportsjournalistenes statuett, Golden Boy, Football Writers' Association Footballer of the Year, BBC Sports Personality of the Year Award, Gullballen, Onze d'Or |
.jpg)
Han er son av tidlegare landslagsspelar i fotball Alf-Inge Håland og Gry Marita Braut.[4]
Karriere
endreHaaland gjekk gradene som spelar i Bryne Fotballklubb og blei seld til Molde FK i januar 2017. Bryne FK hadde då sikra seg ein klausul om ein andel ved eventuelt vidaresal av spissen.[5]
Haaland fekk gjennombrotet sitt på det øvste nivået i Noreg hausten 2017, og det var stilt store forventningar til han før sesongstart 2018. Mykje av sesongoppkøyringa blei spolert av at han fekk lungebetennelse og blei liggande på sjukehus medan lagkameratane spelte treningskampar. Han overtyda likevel då serien starta og spelte også for Noregs G19-landslag på vårsesongen.[6]
Klubblag
endreUtanlandske fotballklubbar viste etter kvart interesse for Haaland, og etter at han hadde skåra fire mål borte mot serieleiar Brann 1. juli 2018, medgav Molde-trenar Ole Gunnar Solskjær at det var kome inn bod på den unge spissen.[7] Det var Red Bull Salzburg som kapra underskrifta hans, og han blei knytt til klubben i starten av 2019. På våren blei det berre fem kampar fordelt på serie, cup og internasjonalt. Men frå sommaren blei han med for fullt, og han gjorde verkeleg furore på laget med svært overtydande spel og mange skåringar.
Haaland sjokkerte fotball-Europa og skreiv seg inn i UEFA-historia då han som den yngste noko sinne, sette hat-trick i løpet av ein omgang (den fyrste) i debuten sin i Mesterligaen 17. september 2019 og slik bidrog vesentleg til at Red Bull Salzburg slo KRC Genk heile 6–2.[8]
29. desember 2019 skreiv han under ein kontrakt med Borussia Dortmund fram til 30. juni 2024.[9]
18. januar 2020 scora han tre mål i sin fyrste kamp for Borussia Dortmund, etter at han kom inn i det 57. speleminuttet.[10][11] Etter at han seks dagar seinare følgde opp med to mål på rundt 20 minutt i sin fyrste heimekamp for klubben, representerte dette skåringsrekord per spelt tid for tysk Bundesliga med samla fem mål på 57 minutt.[12]
18. februar 2020 skåra han to mål mot PSG i Mesterligaen og blei spelaren som raskast har skåra 10 mål i turneringa. Han brukte sju kampar, fire færre enn den førre rekorden.[13]
Landslag
endreErling spelte alle kampane for Noregs G19-landslag i fotball under U19-EM 2018 i Finland.[14][15]
Han blei tatt ut i Noregs tropp til U20-VM 2019 i Polen.[16][17] Han skåra berre i ein av dei tre kampane, mot Honduras, men til gjengjeld heile ni gonger. Trass denne ekstreme prestasjonen rauk Noreg ut etter dei tre innleiande kampane.
27. august 2019 blei han tatt ut i sin fyrste seniorlandslagstropp for Noreg i kampane mot Malta og Sverige,[18] og 5. september 2019 fekk han sin fyrste landskamp for Noreg mot Malta.[19]
Prisar og utmerkingar
endreErling Braut Haaland fekk i 2018 «Nettavisen-prisen» som årets unge spelar i Eliteserien.[20] I 2019 blei han kåra til årets spelar i Austerrike,[21] og fekk også prisen for «årets gjennombrot» under Idrettsgallaen 2020.[22]
Kjelder
endre- ↑ «Derfor byttet han fra Håland til Haaland». Dagbladet.no. 19. september 2019.
- ↑ «Erling Haaland - Player profile 19/20». www.transfermarkt.com (på engelsk). Henta 19. februar 2020.
- ↑ «Manchester City FC - Official Website of Man City F.C.», Manchester City FC (på engelsk), henta 18. juli 2022
- ↑ Moldes stortalent kan bli solgt til Italia i Dagbladet.
- ↑ Bryne kan tjene 15-20 millioner på Håland-salg VG
- ↑ Moldes stjerneskudd lå flere uker på sykehus før sesongstart VG
- ↑ Erling (17) scoret fire mål foran speider fra Manchester United TV2
- ↑ Bårtvedt, Hans Henrik (17. september 2019). «Haaland tremålshelt i ellevill førsteomgang». NRK. Henta 17. september 2019.
- ↑ BVB verpflichtet Erling Haaland
- ↑ BVB dreht klaren Rückstand und siegt mit 5:3 in Augsburg
- ↑ Haaland scoret hat trick i Dortmund-debuten – matchvinner på sensasjonelt vis
- ↑ Arve Lote, Caroline Simonsen (24. januar 2020). «Haaland: – Det er sånn du drøymer om når du er liten». NRK. Henta 25. januar 2020.
- ↑ Ingen har scoret ti mesterliga-mål raskere enn Haaland: – En naturkraft, et dyr nrk.no Lese 19. februar 2020
- ↑ G19: EM-troppen er klar
- ↑ UEFA: Norges resultater under U19-EM
- ↑ Her er U20-landslagets VM-tropp
- ↑ Presentasjon av U20-landslagets VM-tropp
- ↑ Her er Norges landslagstropp mot Malta og Sverige
- ↑ Berge og King scoret da Norge slo Malta
- ↑ Disse vinner Nettavisen-prisen 2018
- ↑ «Braut Haaland kåret til årets spiller i Østerrike». TV 2. 18. desember 2019.
- ↑ «Haaland fikk prisen «årets gjennombrudd»». VG. 4. januar 2020.
- Denne artikkelen bygger på «Erling Braut Haaland» frå Wikipedia på bokmål, den 20. februar 2020.
Bakgrunnsstoff
endre
- Erling Braut Haaland ved The Internet Movie Database (IMDb)
- Erling Braut Haaland i UEFA.