Erwin Koeman
Erwin Koeman (fødd 20. september 1961) er ein nederlandsk tidlegare fotballspelar frå Zaandam i Nederland. Midtbanespelaren vart i 1988 europameister med Nederland og sanka i perioden 1987-89 som KV Mechelen-spelar pokalar både i den belgiske cupen og serien og den europeiske cupvinnarcupen. I 1991 og vart han seriemeister i heimlandet med PSV Eindhoven. Ronald Koeman er hans yngre bror.
 | |||
| Personleg informasjon | |||
|---|---|---|---|
| Fullt namn | Erwin Koeman | ||
| Fødselsdato | 20. september 1961 (62 år) | ||
| Fødestad | Zaandam i Nederland | ||
| Høgd | 180 cm | ||
| Posisjon | Midtbanespelar | ||
| Klubbinformasjon | |||
Noverande lag | Oman (trenar) | ||
| Seniorkarriere* | |||
| År | Lag | Kampar | (Mål) |
| 1978–1979 | Groningen | 6 | (0) |
| 1979-1982 | PSV | 43 | (8) |
| 1982-1985 | Groningen | 89 | (39) |
| 1985-1990 | Mechelen | 116 | (22) |
| 1990-1994 | PSV | 103 | (13) |
| 1994-1998 | Groningen | 115 | (10) |
| Totalt | 472 | (92) | |
| Landslag | |||
| 1983-1994 | Nederland | 31 | (2) |
| Trenar for | |||
| 2004-2005 | RKC Waalwijk | ||
| 2005-2007 | Feyenoord | ||
| 2008-2010 | Ungarn | ||
| 2011 | Utrecht | ||
| 2012-2014 | RKC Waalwijk | ||
| 2014-2016 | Southampton | ||
| 2016-2017 | Everton | ||
| 2018 | Fenerbahçe (assistenttrenar) | ||
| 2018 | Fenerbahçe (midlertidig] | ||
| 2019- | Oman | ||
| * Seniorklubbkampar og mål berre telt for nasjonal liga | |||
Karriere endre
Klubbspel endre
Far til Erwin Koeman spelte i si tid på FC Groningen og han sjølv debuterte med Groningen vinteren 1979. Han fekk 6 seriekampar før han vart overført til PSV Eindhoven der han hadde tre lite lukkelege år. I 1982 var Koeman tilbake i FC Groningen og gjorde tre gode sesongar til han i 1985 fekk kontrakt med KV Mechelen. Med det belgiske laget var han med å vinne den belgiske cupfinalen 1987 med 1-0 over RFC Liège. Våren 1988 var Koeman delaktig i at KV Mechelen vann cupvinnarcupen 1988 etter finalesiger 1-0 mot Ajax frå Amsterdam. Sesongen 1988/89 vann KV Mechelen den belgiske seriemeisterskapen med fire poengs margin til RSC Anderlecht på andreplass. Sommaren 1990 byrja Koeman på si andre periode i PSV og med klubben frå Eindhoven vart han både i 1991 og 1992 nederlandsk seriemeister. Perioden 1994-98 spelte han ein tredje periode på FC Groningen.
Landslagsspel endre
.jpg)
Erwin Koeman debuterte på Nederlands landslag i april 1983 og spelte sin 31. og siste landskamp i januar 1994. På landslaget hadde han ei defensiv midtbanerolle i eit mannskap med blendande dyktige medspelarar som til dømes Ruud Gullit, Marco van Basten og Frank Rijkaard. Saman med desse og mellom andre broren Ronald Koeman vart han europameister 1988 etter finalesiger 2-0 over Sovjetunionen. Sine to landslagsmål skåra Erwin Koeman i VM-kvalifiseringskampar mot Kypros i 1985 og Finland i 1989.
Merittar endre
- Europameister: 1988 med Nederland
- Vinnar av cupvinnarcupen: 1988 med KV Mechelen
- Belgisk seriemeister: 1989 med KV Mechelen
- Belgisk cupmeister: 1987 med KV Mechelen
- Nederlandsk seriemeister: 1991 og 1992 med PSV Eindhoven
Erwin Koeman var 2008-10 landslagssjef for Ungarn.
Kjelder endre
- Denne artikkelen bygger på «Erwin Koeman» frå Wikipedia på tysk, den 15. juni 2018.