Eulalia av Mérida
Eulalia av Mérida (Olalla, Aulaire, kring 292–10. desember 304) var ei romersk kristen jente frå i Mérida i noverande Spania som ifølgje nokre opplysingar leid martyrdøden under kristendomsforfølginga til keisar Diokletian, og etter andre under keisar Decius (249–251). Ho blir æra som helgen i den katolske kyrkja, og er vernehelgen for Mérida, Oviedo og Totana. Minnedagen hennar er 10. desember.
| Sankta Eulalia av Mérida | |||
 | |||
| Fødd | 290 | ||
|---|---|---|---|
| Fødestad | Emerita Augusta | ||
| Daud | 10. desember 304 | ||
| Dødsstad | Emerita Augusta | ||
| Helgendag | 10. desember | ||
Liv
endreEulalia var fødd i ein fornem kristen familie i Mérida, og byrja tidleg å via seg bøn og meditasjon. Ho hadde høyrt om dei kristne martyrane i Roma, og lengta etter å bli som desse.
Då Eulalia var 12 år søkte ho ifølgje hagiografien opp den romerske statthaldaren i Mérida (dåvarande Emerita Augusta), og tilstod trua si på Jesus Kristus. Romerske soldatar byrja då å torturera jenta, mellom anna gjennom å hogga med kjøtkrokar i kroppen hennar. Ho blei deretter kasta naken ut på gata. Brysta hennar var skorne bort. Ifølgje ei legende skal då snø ha falle for å dekka til den nakne, skadde kroppen hennar. Til slutt blei ho brunnen på bål. Ei kvit due openberra seg frå henne
På staden der ho blei gravlagd i Mérida blei det reist ein basilika, La Basilica de Santa Eulalia, allereie under keisar Konstantin den store på 300-talet. Denne blei til eit pilegrimsmål. Kring 350 blei det populært å æra Eulalia som martyr og helgen.[1] Ho må ha blitt kanonisert tidleg, før ein byrja føra nøyaktig helgendokumentasjon og den heilage stolen tok over kanoniseringa frå lokale kyrkjeleiarar.[1] Det som blir oppgitt å vera relikviane hennar er blitt flytta rundt i Spania for å få dei unna fiendtlege styrkar i samband med det muslimske styret. I 780 kom dei til Oviedo, der dei er i dag.
I kulturen
endreAurelius Prudentius (348-405) skreiv eit hyllingsdikt over Eulalia (saman med 13 andre helgenar) i samlinga si Peristephanon, Hymnus in honorem passionis Eulaliæ beatissimæ martyris.
Séquence de Sainte Eulalie, Eulalia-sekvensen, er ein hagiografi på 29 vers frå kring år 880, skriven på eldre fransk (langue d'oïl).
Kjelder
endre- Farmer, David Hugh, The Oxford Dictionary of Saints. 3rd ed. Oxford: Oxford University Press 1992. ISBN 0-19-283069-4
- The Book of Saints: A Dictionary of Servants of God. 6th ed. London: Cassell 1994. ISBN 0-304-34357-9
Kjelder
endre- Denne artikkelen bygger på «Eulalia av Mérida» frå Wikipedia på svensk, den 1. april 2023.
