Falu kommun

Falu kommun er ein kommune i Dalarnas län i Sverige. Kommunen grensar til mange andre kommunar, både i Dalarnas län og Gävleborgs län. Centralorten i kommunen er Falun.

Falu kommun
kommune
Kommunevåpen
Land	Sverige
Len	Dalarnas län
Landskap	Dalarna
Del av	Dalarna, Q61606267
Centralort	Falun
Areal	2 288,32 km²
•  land	2 051,9 km²
•  vatn	236,42 km²
Folketal	55 220
Folketettleik	27 / km²
Falu kommun 60.6°N 15.633333333333°E / 60.6; 15.633333333333
Kart som viser Falu kommun. Kart som viser Falu kommun.
Wikimedia Commons: Falun Municipality
Nettstad: www.falun.se

Aust og nord i kommunen er det store skogkledde moreneområde og vide myrmarker. I vest er det ein rikare flora, der ein mellom anna kan finne edellauvskog (lind, lønn, alm, hassel) rundt Våckelbergets naturreservat. Industrisektoren var tidlegare dominerande i området, men han er i dag erstatta av tenestenæringar som den største næringa. Falu kommun har fleire turistattraksjonar, mellom dei mest kjende er Falu gruve og Carl Larsson-gården i Sundborn.

Administrativ historie

I det store samanslåingsåret 1952 skjedde det ikkje noko i området utanom at Aspeboda kommun vart slått saman med Stora Kopparberg. Det vart ikkje gjort forandringar med dei fem andre landskommunane og Falun stad. I 1967 vart Stora Kopparberg og Vika innlemma i Falun stad. Ved kommunereforma i 1971 vart Falu kommun oppretta gjennom at byen vart slått saman med landskommunane Bjursås, Enviken, Sundborn og Svärdsjö.

Kommunevåpenet

Blasonering: På gullfarga bakgrunn, ein oppstikkande raud krenelert mur frå kant til kant, og ovanfor tre ståande koparsymbol, alle i raudt.

Det eldste seglet for byen Falun er frå 1642 og inneheld mellom anna eit koparteikn. Våpenet som er i bruk i dag vart laga på 1900-talet og vart fastsett av kongen i 1932. Etter kommuneopprettinga i 1971 vart det forenkla noko og registrert hjå Patent- och registreringsverket i 1988. Alle dei andre kommunane som var med på å utgjere den nye Falu kommun hadde også eigne våpen, og desse vart ugyldige.

Tettstader

Det er elleve tettstader i Falu kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1	Falun	36 447
2	Bjursås	1 864
3	Grycksbo	1 781
4	Svärdsjö	1 288
5	Sundborn	751
6	Linghed	609
7	Sågmyra	578
8	Bengtsheden	556
9	Danboln	446
10	Vika	398
11	Toftbyn	274

Kjelder

• Denne artikkelen bygger på «Falu kommun» frå Wikipedia på svensk, den 7. mars 2009.

• «Falun – kommune i Sverige» i Store Norske Leksikon, vitja 7. mars 2009.